ഇഗ്നിസിന് സ്പോർടി പതിപ്പുമായി മാരുതി

2018 ഗെയ്ക്കിൻഡോ ഇന്തോനേഷ്യ ഇന്‍റർനാഷണൽ ഓട്ടോ ഷോയിൽ മാരുതി ഇഗ്നിസ് സ്പോർട് കൺസ്പെറ്റിനെ അവതരിപ്പിച്ചു. ലിമിറ്റഡ് എഡിഷൻ മോഡൽ ആയിട്ടാകും പുതിയ ഇഗ്നിസ് സ്പോർട് അവതരിക്കുക. സൈഡ് സ്കേർട്ടുകൾ, സ്കിഡ് പ്ലേറ്റ്, കറുത്ത ബമ്പർ, പിൻ സ്പോയിലർ എന്നീ ഫീച്ചറുകളാണ് ഇഗ്നീസ് സ്പോർടിനെ ഒരു സമ്പൂർണ സ്പോർടി ഹാച്ച്ബാക്ക് ആക്കുന്നത്.

സൈഡ് സ്കേർട്ടുകൾക്കും സ്കിഡ് പ്ലേറ്റുകൾക്കും ചുവപ്പ് നിറം നൽകിയിട്ടുണ്ട്. അതുപോലെ വശങ്ങളിൽ വീതിയേറിയ ചുവന്ന സ്പോർടി വരകളും കാണാം. എൽഇഡി ഡെ ടൈം റണ്ണിങ് ലൈറ്റുകൾ, റേഡിയേറ്റർ ഗ്രിൽ, 15 ഇഞ്ച് അലോയ് വീലുകൾ എന്നിവ പ്രധാന സവിശേഷതകളാണ്. അകത്തളത്തിൽ ബ്ലാക്ക് തീമാണ് ഒരുക്കിയിരിക്കുന്നത്.

ടച്ച് സ്ക്രീൻ സിസ്റ്റം, എൻജിൻ സ്റ്റാർട്ട്/സ്റ്റോപ്പ് ബട്ടൺ, കീലെസ് എൻട്രി തുടങ്ങിയ പ്രീമിയം ഫീച്ചറുകളും അകത്തളത്തിൽ ഇടംതേടിയിട്ടുണ്ട്. 81.8 ബിഎച്ച്പിയും 115 എൻഎം ടോർക്കും നൽകുന്ന 1.2 ലിറ്റർ പെട്രോൾ എൻജിനാണ് ഇഗ്നിസ് സ്പോർടിന് കരുത്തേകുന്നത്. 5 സ്പീഡ് മാനുവൽ, എഎംടി ഗിയർബോക്സുകളും ഇടംതേടുന്നതായിരിക്കും.