അടിമുടി മാറി പുതിയ ജിക്സർ ബൈക്കുകൾ ഇന്ത്യയിൽ

സുസൂക്കിയുടെ പുതിയ ജിക്സർ എസ്എഫ് എസ്പി, ജിക്സർ എസ്പി മോഡലുകൾ ഇന്ത്യയിൽ അവതരിച്ചു. പുതിയ നിറത്തിലും ഗ്രാഫ്കിസിലും എത്തിയിരിക്കുന്ന ജിക്സർ എസ്പിക്ക് 87,250 രൂപയാണ് ഡൽഹി എക്സ്ഷോറൂം വില. അതേസമയം ഫുള്ളി ഫെയേർഡ് ജിക്സർ എസ്എഫ് എസ്പിക്ക് ഒരുലക്ഷമാണ് വില. മജെസ്റ്റിക് ഗോൾഡ്-ഗ്ലാസ് സ്പാർക്കിൾ ബ്ലാക്ക്, ബ്ലാക്ക് എന്നീ പുതിയ നിറങ്ങളിലാണ് ജിക്സർ എസ്പി ലഭ്യമാവുക. മുൻഭാഗത്തും ഫ്യുവൽ ടാങ്കിനും ലഭിച്ച ഗ്രാഫിക്സ് ജിക്സർ എസ്പിയുടെ മറ്റൊരു പുതുമയാണ്.

രണ്ട് മോഡലുകളിലും ഒറ്റ ചാനൽ എബിഎസ് സുരക്ഷ ഒരുക്കിയിട്ടുണ്ട്. ജിക്സർ എസ്എഫ് എസ്പിയിൽ ഫ്യുവൽ ഇഞ്ചക്ഷൻ സംവിധാനവും ജിക്സർ എസ്പി മോഡലുകളിൽ കാർബ്യുറേറ്റർ സംവിധാനവുമാണ് ലഭ്യമാക്കിയിരിക്കുന്നത്. നിലവിലെ 155 സിസി സിങ്കിൾ സിലിണ്ടർ എൻജിനാണ് രണ്ട് മോഡലുകൾക്കും കരുത്തേകുന്നത്. 14.6 ബിഎച്ച്പിയും 14 എൻഎം ടോർക്കും സൃഷ്ടിക്കു്നന ഈ എൻജിനിൽ 5 സ്പീഡ് ഗിയർബോക്സാണുള്ളത്.

എല്‍ഇഡി ടെയില്‍ലൈറ്റ്, പൂര്‍ണ ഡിജിറ്റല്‍ ഇന്‍സ്ട്രമെന്‍റ് ക്ലസ്റ്റര്‍, ഓട്ടോ ഹെഡ്‌ലാമ്പ് ഓൺ എന്നിവ ഈ ബൈക്കുകളുടെ മറ്റു പ്രധാന സവിശേഷതകളാണ്. ഡിസ്ക് ബ്രേക്കുകളാണ് ഇരുമോഡലുകളിലും ബ്രേക്കിങ് സാധ്യമാക്കുന്നത്.