കാത്തിരിപ്പിനൊടുവിൽ ടൊയോട്ട യാരിസ് ഇന്ത്യയിൽ അവതരിച്ചു. മിഡ് സെഡാൻ സെഗ്മെന്റിൽ ഹോണ്ട സിറ്റി, മാരുതി സിയാസ്, ഹ്യുണ്ടായ് വേർണ എന്നിവയുമായി ഏറ്റുമുട്ടുന്നതിനാണ് യാരിസ് അവതരിച്ചിരിക്കുന്നത്. പെട്രോൾ, പെട്രോൾ ഓട്ടോമാറ്റിക് വകഭേദങ്ങളിൽ എത്തിയ യാരിസിന് 8.75 ലക്ഷം മുതൽ 14.07 ലക്ഷം രൂപ വരെയാണ് വില.
ശക്തമായ പോരാട്ടം ഉറപ്പിച്ചു കൊണ്ട് ഒരുപിടി പുത്തൻ ഫീച്ചറുകളുമായാണ് യാരിസിന്റെ വരവ്. ഈ ശ്രേണിയിൽ ആദ്യമെന്ന് പറയാവുന്ന പവേർഡ് ഡ്രൈവർ സീറ്റ്, മുൻ പാർക്കിങ് സെൻസർ, ടയർ പ്രഷർ മോണിറ്ററിങ് സംവിധാനം, കൈയുടെ ചലനം തിരിച്ചറിഞ്ഞ് പ്രവർത്തിക്കുന്ന ടച്ച് സ്ക്രീൻ സിസ്റ്റം, ക്രമീകരിക്കാവുന്ന നെക്ക് റെസ്ട്രെയ്ന്റ് സഹിതം 60:40 അനുപാതത്തിൽ വേർതിരിക്കാവുന്ന പിൻനിര സീറ്റ്, ആംബിയന്റ് ലൈറ്റിങ്, പിന്നിൽ മേൽക്കൂരയിൽ ഘടിപ്പിച്ച എയർ കണ്ടീഷനിങ് വെന്റ് തുടിങ്ങിയ പ്രീമിയം ഫീച്ചറുകൾ അടങ്ങുന്നതാണ് യാരിസിന്റെ ടോപ്പ് എൻഡ് വേരിയന്റ്.
സുരക്ഷ ഉറപ്പുവരുത്തുന്ന എബിഎസ്, ഇബിഡി, 7 എയർബാഗുകൾ എന്നിവ അടിസ്ഥാന വകഭേദങ്ങൾ മുതൽ ലഭ്യമാക്കിയിട്ടുണ്ട്. 107 ബിഎച്ച്പിയും 140 എൻഎം ടോർക്കും നൽകുന്ന 1.5 ലിറ്റർ നാച്ചുറലി ആസ്പിരേറ്റഡ് 4 സിലിണ്ടർ എൻജിനാണ് യാരിസിന് കരുത്തേകുന്നത്. 6 സ്പീഡ് മാനുവൽ, 7 സ്പീഡ് സിവിടി ഓട്ടോമാറ്റിക് ഗിയർബോക്സുകളാണ് ട്രാൻസ്മിഷൻ ചുമതല നിർവഹിക്കുന്നത്.
ശക്തമായ പോരാട്ടം ഉറപ്പിച്ചു കൊണ്ട് ഒരുപിടി പുത്തൻ ഫീച്ചറുകളുമായാണ് യാരിസിന്റെ വരവ്. ഈ ശ്രേണിയിൽ ആദ്യമെന്ന് പറയാവുന്ന പവേർഡ് ഡ്രൈവർ സീറ്റ്, മുൻ പാർക്കിങ് സെൻസർ, ടയർ പ്രഷർ മോണിറ്ററിങ് സംവിധാനം, കൈയുടെ ചലനം തിരിച്ചറിഞ്ഞ് പ്രവർത്തിക്കുന്ന ടച്ച് സ്ക്രീൻ സിസ്റ്റം, ക്രമീകരിക്കാവുന്ന നെക്ക് റെസ്ട്രെയ്ന്റ് സഹിതം 60:40 അനുപാതത്തിൽ വേർതിരിക്കാവുന്ന പിൻനിര സീറ്റ്, ആംബിയന്റ് ലൈറ്റിങ്, പിന്നിൽ മേൽക്കൂരയിൽ ഘടിപ്പിച്ച എയർ കണ്ടീഷനിങ് വെന്റ് തുടിങ്ങിയ പ്രീമിയം ഫീച്ചറുകൾ അടങ്ങുന്നതാണ് യാരിസിന്റെ ടോപ്പ് എൻഡ് വേരിയന്റ്.
സുരക്ഷ ഉറപ്പുവരുത്തുന്ന എബിഎസ്, ഇബിഡി, 7 എയർബാഗുകൾ എന്നിവ അടിസ്ഥാന വകഭേദങ്ങൾ മുതൽ ലഭ്യമാക്കിയിട്ടുണ്ട്. 107 ബിഎച്ച്പിയും 140 എൻഎം ടോർക്കും നൽകുന്ന 1.5 ലിറ്റർ നാച്ചുറലി ആസ്പിരേറ്റഡ് 4 സിലിണ്ടർ എൻജിനാണ് യാരിസിന് കരുത്തേകുന്നത്. 6 സ്പീഡ് മാനുവൽ, 7 സ്പീഡ് സിവിടി ഓട്ടോമാറ്റിക് ഗിയർബോക്സുകളാണ് ട്രാൻസ്മിഷൻ ചുമതല നിർവഹിക്കുന്നത്.