പുതിയ കാവസാക്കി നിഞ്ച 1000 ഇന്ത്യയിൽ

പുതിയ കാവസാക്കി നിഞ്ച 1000 വിപണിയിൽ അവതരിച്ചു. ഡൽഹി എക്സ്ഷോറൂം 9.99 ലക്ഷം രൂപയാണ് ഈ സൂപ്പർബൈക്കിന്‍റെ വില. ചില്ലറ കോസ്മെറ്റിക് അപ്ഡേഷനുകളോടെയാണ് അവതരണം. എന്നാൽ മെക്കാനിക്കൽ സംബന്ധിച്ച മാറ്റങ്ങളൊന്നുമില്ല.

പച്ച, കറുപ്പ് എന്നീ നിറങ്ങളിലാണ് കാവസാക്കി നിഞ്ച 1000 ലഭ്യമാവുക. ഡ്യുവൽ എല്‍ഇഡി ഹെഡ്‌ലാമ്പുകള്‍, സ്ലിപ്പര്‍ ക്ലച്ച്, ചിന്‍ സ്‌പോയിലര്‍ എന്നിവ പ്രധാന സവിശേഷതകളാണ്. 140 ബിഎച്ച്പിയും 111 എൻഎം ടോർക്കും നൽകുന്ന 1,043 സിസി ഇൻലൈൻ 4 സിലിണ്ടർ ലിക്വിഡ് കൂൾഡ് എൻജിനാണ് നിഞ്ച 1000 ന്‍റെ കരുത്ത്. 6 സ്പീഡ് ഗിയർബോക്സാണ് എൻജിനിൽ ഇടംതേടിയിരിക്കുന്നത്.