ഓഫ് റോഡ് ഫീച്ചറുകളുമായി മെഴ്സിഡെസ് എഎംജി ജി63

കഴിഞ്ഞ രണ്ടുവർഷമായി എഎംജി ജി63യുടെ പണിപ്പുരയിലായിരുന്നു മെഴ്സിഡെസ്. ഇപ്പോഴിതാ കമ്പനി എഎംജി ജി63യുടെ കൂടുതൽ വിവരങ്ങൾ പുറത്തുവിട്ടിരിക്കുകയാണ്. ജനീവ മോട്ടോർ ഷോയിലെ അവതരണത്തിന് മുന്നോടിയായിട്ടാണ് വിവരങ്ങൾ ലഭ്യമാക്കിയിരിക്കുന്നത്. ഓഫ് റോഡ് ഫീച്ചറുകൾക്ക് മുൻഗണന നൽകി കൊണ്ടാണ് കമ്പനി ഈ വാഹനമൊരുക്കിയിരിക്കുന്നത്.



കരുത്താർജ്ജിച്ച് മികച്ച സസ്പെൻഷനോട് കൂടിയായിരിക്കും എഎംജി ജി63 അവതരിക്കുക. ബൈൻസ് പുതുതായി വികസിപ്പിച്ച റൈഡ്​ കൺട്രോൾ സിസ്റ്റവും വാഹനത്തിൽ ഇടംതേടിയിട്ടുണ്ട്. വലുപ്പമേറിയ 12.3 ഇഞ്ച്​ ടച്ച്സ്ക്രീൻ സിസ്റ്റമാണ് അകത്തളത്തിലെ പ്രധാന സവിശേഷത.

മള്‍ട്ടി ബീം എല്‍ഇഡി ഹെഡ്​ലാമ്പ്, 22 ഇഞ്ച് വലിയ വീലുകൾ എന്നിവയും ഈ വാഹനത്തിന്‍റെ സവിശേഷതകളാണ്​. 4.0 ലിറ്റര്‍ വി.8 ടര്‍ബോ എന്‍ജിനാണ്​ ഈ വാഹനത്തിന് കരുത്തേകുന്നത്​. ​ഓഫ്​ റോഡ്​ ഡ്രൈവിന്​ അനുയോജ്യമായ തരത്തിലാണ് എന്‍ജിനും മറ്റ്​ ഘടകങ്ങളും ഒരുക്കിയിരിക്കുന്നത്.