മാഡിക്ക് കൂട്ടായിയെത്തി ഇന്ത്യൻ റോഡ്‍മാസ്റ്റ‍ർ

ദീപാവലി ആഘോഷം ഗംഭീരമാക്കാൻ ഒരു ക്രൂയിസർ ബൈക്ക് സ്വന്തമാക്കിയിരിക്കുകയാണ് തെന്നിന്ത്യൻ താരം മാഡി എന്നു വിശേഷിപ്പിക്കുന്ന മാധവൻ. അടുത്തിടെ പുറത്തിറങ്ങിയ 'വിക്രം വേദ' മാഡിയുടെ കരിയറിലെ തന്നെ ഏറ്റവും വലിയ ഹിറ്റുകളിലൊന്നായിരുന്നു. തെന്നിന്ത്യൻ സിനിമകളിൽ മാത്രമല്ല ത്രീ ഇഡിയറ്റ്സ്, തനു വെഡ്സ് മനു എന്നീ സിനിമകളിലൂടെ ബോളിവുഡിലും പ്രിയങ്കരനായിരിക്കുകയാണ് മാഡി. ബോളിവുഡിൽ നല്ല സ്വീകാര്യതയാണ് മാധവന് ലഭിച്ചത്.

വിക്രം വേദയുടെ വിജയത്തിന് ശേഷം താരം ഇന്ത്യൻ മോട്ടോർ സൈക്കിളിന്‍റെ ഏറ്റവും വിലക്കൂടിയ മോഡലായ ഇന്ത്യൻ റോഡ്മാസ്റ്റർ സ്വന്തമാക്കിയിരിക്കുകയാണ്. അമേരിക്കൻ ഇരുചക്രവാഹന നിർമ്മാതാക്കളായ ഇന്ത്യൻ മോട്ടോർ സൈക്കിൾ ലോകത്തിലെ ഏറ്റവും പഴക്കം ചെന്ന നിർമാതാക്കളിലൊരാളാണ്. 2015 ലാണ് ക്രൂയിസർ മോട്ടോർസൈക്കിളായ റോഡ്മാസ്റ്ററിനെ കമ്പനി ഇന്ത്യയിലെത്തിച്ചത്.



കാറുകളെ അനുസ്മരിപ്പിക്കുന്ന ടച്ച് സ്ക്രീൻ ഇൻഫോടെയ്മെന്‍റ് സിസ്റ്റം, എല്‍ ഇ ഡി ലൈറ്റുകൾ, സെന്‍ട്രല്‍ ലോക്കിങ്, ക്രൂസ് കണ്‍ട്രോള്‍, സെന്‍ട്രല്‍ ലോക്കിങ്, കീലെസ് ഇഗ്നിഷന്‍ എന്നീ സവിശേഷതകളാണ് റോഡ്മാസ്റ്ററിലുള്ളത്. 1181 സിസിവി ട്വിൻ എയർകൂൾഡ് എൻജിനാണ് ഈ ക്രൂയിസർ ബൈക്കിലെ പവർഹൗസ്. ഏതാണ്ട് 38 ലക്ഷം രൂപയോളം വരും ഈ ബൈക്കിന്‍റെ വിപണിവില.

Actor R Madhavan gifts himself Indian Roadmaster for this Diwali

Ranganathan Madhavan, who is better known as just Madhavan in India's cinema industry, is also an avid biker.