അത്ഭുതമായി ബാറ്റ്മൊബൈൽ
വിലകൂടിയ ആഡംബര കാറുകൾ ഏറെയുണ്ടെങ്കിലും ഒരു പക്ഷെ ബാറ്റ്മൊബൈൽ ആയിരിക്കും അദാർ പൂനവാലയുടെ വാഹന ശേഖരത്തിലെ വ്യത്യസ്തമായ വാഹനം. മെഴ്സിഡസ്-ബെൻസിന്റെ എസ് 350 ആഡംബര കാർ ആണ് മോഡിഫൈ ചെയ്തത് സൂപ്പർ ഹീറോ കഥാപാത്രമായ ബാറ്റ്മാന്റെ കാറിന് സമാനമാക്കിയിരിക്കുന്നത്. ഏകദേശം 1 കോടി രൂപ വിലയുള്ള മെഴ്സിഡസ് എസ്-ക്ലാസ് ആണ് മുബൈ ആസ്ഥാനമായ എക്സിക്യൂട്ടീവ് മോഡ്കാർ ട്രെൻഡ്സ് എന്ന സ്ഥാപനം 40 ലക്ഷം രൂപ ചിലവാക്കി ബാറ്റ്മൊബൈൽ ആക്കിയത്. നീളം കൂട്ടിയും, പുറകിൽ ചിറകുപോലുള്ള സ്പോയ്ലർ സ്ഥാപിച്ചുമാണ് ബാറ്റ്മൊബൈൽ സ്റ്റൈലിലേക്ക് മാറ്റിയത്. പുണെ മിററിന്റെ റിപ്പോർട്ട് അനുസരിച്ച് മകൻ സൈറസ് ജൂനിയറിനുള്ള അദാർ പൂനവാലയുടെ സമ്മാനമാണ് ഈ ബാറ്റ്മൊബൈൽ.
വിജയ് ബാബുവും വാങ്ങി! താരങ്ങളുടെ മനം കവർന്ന് പുത്തൻ മഹീന്ദ്ര ഥാർ
ശ്രദ്ധ നേടുന്ന പൂനവാലയുടെ ബാറ്റ്മൊബൈൽ
ഫെറാരികൾ
PC: instagram/ yohan poonawalla
ഒന്നോ രണ്ടോ ഫെറാരികൾ അല്ല, നിരവധി ഫെറാറി സൂപ്പർകാറുകളാണ് പൂനവാല കുടുംബത്തിലുള്ളത്. ഫെറാരിയുടെ ഏറ്റവും വില്പന നേടിയ സൂപ്പർകാറുകളിൽ ഒന്നായ 3.6-ലിറ്റർ V8 എഞ്ചിനുള്ള ഫെറാറി 360 സ്പൈഡർ ആണ്. അടുത്തിടെയാണ് ഫെറാറി 488 പിസ്താ സ്പൈഡർ എത്തിയത്. റൂഫില്ലാത്ത സ്പൈഡർ മോഡലിന് മണിക്കൂറിൽ 340 കിലോമീറ്റർ ആണ് ടോപ് സ്പീഡ്. അതെ സമയം പൂനവാലയുടെ ഏറ്റവും സൂപ്പർ ഫെറാറി കാർ ഒരുപക്ഷെ ഫെറാറി 458 സ്പെഷ്യാലെ അപ്പെർട്ടയായിരിക്കും. 597 എച്ച്പി പവർ നിർമിക്കുന്ന 4.5-ലിറ്റർ V8 എഞ്ചിനുള്ള 499 യൂണിറ്റ് 458 സ്പെഷ്യാലെ അപ്പെർട്ട മോഡലുകളെ നിർമ്മിച്ചിട്ടുള്ളൂ. അതിലൊന്നാണ് പൂനവാലയുടെ ഫെറാറി 458 സ്പെഷ്യാലെ അപ്പെർട്ട.
ഉണ്ണിമുകുന്ദൻ ഇനി 'പറപറക്കും', ഡ്യുക്കാട്ടിയുടെ സൂപ്പർബൈക്കിൽ
സി പില്ലറിൽ P (പൂനവാല) പതിപ്പിച്ച ഫെറാരികൾ
മറ്റുള്ള സ്പോർട്സ് കാറുകൾ
PC: instagram/ yohan poonawalla
ഫെറാരിയാണ് ഫേവറിറ്റ് എങ്കിലും മറ്റുള്ള ബ്രാൻഡുകളുടെ സ്പോർട്സ് കാറുകളും പൂനവാല കുടുംബത്തിലുണ്ട്. മെഴ്സിഡസ് ബെൻസ് എസ്എൽഎസ് എഎംജിയും ലംബോർഗിനി ഗയാർഡോയുമാണ് ഈ ശ്രേണിയിൽ ഒന്നാമത്. സിസ്സർ ഡോറുകളുമായി വിപണിയിലുണ്ടായിരുന്ന എസ്എൽഎസ് എഎംജി ഇപ്പോഴും സ്വന്തമായുള്ള ചുരുക്കം ചിലരിൽ ഒരാളാണ് അദാർ പൂനവാല. 583 ബിഎച്ച്പി പവർ നിർമ്മിക്കുന്ന ഒരു റോഡ് മിസൈൽ തന്നെയാണ് എസ്എൽഎസ് എഎംജി.
ബോബി ചെമ്മണ്ണൂരിൻ്റെ അടുത്ത ലക്ഷ്യം, ഡൊണാൾഡ് ട്രംപിന്റെ റോൾസ്-റോയ്സ്
അദാർ പൂനവാലയുടെ സ്ഥിരം കാറുകൾ
ജർമൻ ആഡംബര കാർ നിർമാതാക്കളായ പോർഷെയുടെ കയേൻ എസ്യുവിയാണ് അദാർ പൂനവാല ദൈനംദിനം ഉപയോഗിക്കുന്ന വാഹനം. ഇതുകൂടാതെ ബിഎംഡബ്ല്യു 7 സീരീസ് 760 Li, മെഴ്സിഡസ് ബെൻസ് എസ് 600-ലും അദാർ പൂനവാല സ്ഥിരമായി സഞ്ചരിക്കാറുണ്ട്. സ്പെഷ്യൽ ദിവസങ്ങളിൽ റോൾസ് റോയ്സ് ഫാന്റം, ബെന്റ്ലി കോണ്ടിനെന്റൽ ഫ്ലൈയിംഗ് സ്പർ എന്നെ അത്യാഢംബര കാറുകളാണ് പൂനവാലയുടെ രഥം.