ഓഡി Q5 പെട്രോൾ പതിപ്പ് ഇന്ത്യയിൽ

ഓഡി Q5 പെട്രോൾ പതിപ്പ് ഇന്ത്യയിൽ അവതരിച്ചു. ഡൽഹി എക്സ്ഷോറൂം 55.27 ലക്ഷം രൂപയാണ് ഓഡി Q5 ന്‍റെ വില. ജനുവരിയിലാണ് ഓഡി Q5 ഡീസൽ പതിപ്പ് ഇന്ത്യയിലിറങ്ങിയത്. പുതിയ പെട്രോൾ പതിപ്പിന്‍റെ ഡിസൈനിൽ പറയത്തക്ക മാറ്റങ്ങളൊന്നുമില്ല. സിഗ്നേച്ചര്‍ ഗ്രില്ല്, മാട്രിക്‌സ് എല്‍ഇഡി ഹെഡ്‌ലാമ്പുകൾ, സ്‌പോയിലര്‍, പരിഷ്‌കരിച്ച ബമ്പര്‍, ഡിഫ്യൂസര്‍, എല്‍ഇഡി ടെയില്‍ലാമ്പുകള്‍ എന്നീ എക്സ്റ്റീരിയർ ഫീച്ചറുകൾ മാറ്റമില്ലാതെ ഇടംതേടിയിട്ടുണ്ട്.

3 സ്പോക്ക് ലെതര്‍ സ്റ്റീയറിംഗ് വീല്‍, ലെതര്‍ അപ്ഹോള്‍സ്റ്ററി, പാഡില്‍ ഷിഫ്റ്റ്, വൈദ്യുത നിയന്ത്രിത മുന്‍ സീറ്റുകൾ എന്നിവ അകത്തളത്തിലെ ശ്രദ്ധേയമായ സവിശേഷതകളാണ്. 248 ബിഎച്ച്പിയും 370എൻഎം ടോർക്കും നൽകുന്ന 2.0 ലിറ്റർ ടർബോചാർജ്ഡ് TFSI എൻജിനാണ് Q5 പെട്രോളിന് കരുത്ത് പകരുന്നത്. ചക്രങ്ങളിലേക്ക് വീര്യമെത്തിക്കാൻ ഡീസൽ പതിപ്പിലുള്ള 7 സ്പീഡ് ഡ്യുവൽ ക്ലച്ച് ഓട്ടോമാറ്റിക് ഗിയർബോക്സ് തന്നെയാണുള്ളത്.

ആക്ടിവ് ലെയ്ന്‍ അസിസ്റ്റ്, റിയര്‍വ്യൂ ക്യാമറ, എട്ടു എയര്‍ബാഗുകള്‍, കൊളീഷന്‍ അവോയിഡന്‍സ് അസിസ്റ്റ്, ബ്ലൈന്‍ഡ് സ്പോട് വാര്‍ണിംഗ് പാര്‍ക്ക് അസിസ്റ്റ് എന്നീ ഫീച്ചറുകൾ സുരക്ഷയും ഉറപ്പാക്കുന്നു.