ഡോമിനാർ 400 മാറ്റ് ബ്ലാക്ക് എഡിഷനുമായി ബജാജ്

ക്രൂയിസർ ബൈക്കായ ഡോമിനാർ 400 ൽ പുതിയൊരു കളർ ഓപ്ഷനുമായി ബജാജ്. ഡോമിനാർ 400 ന്‍റെ മാറ്റ് ബ്ലാക്ക് എഡിഷനെയാണ് ബജാജ് പുതുതായി അവതരിപ്പിച്ചിരിക്കുന്നത്. നേരത്തെ മൂൺ വൈറ്റ്, മിഡ്നൈറ്റ് ബ്ലൂ, ട്വിലൈറ്റ് പ്ലം എന്നീ നിറങ്ങളിലായിരുന്നു ഡോമിനാർ ലഭ്യമായിരുന്നത്. 1.41 ലക്ഷത്തിനാണ് (എബിഎസ് ഇല്ലാത്ത) ഡോമിനാർ 400 മാറ്റ് ബ്ലാക്ക് എഡിഷൻ വിപണി പിടിച്ചിരിക്കുന്നത്. എബിഎസ് ഉൾപ്പെട്ടിട്ടുള്ള മാറ്റ് ബ്ലാക്ക് എഡിഷന് 1.55 ലക്ഷം മാണ് വില(ഡൽഹി എക്സ്ഷോറൂം).



പുതിയ പെയിന്‍റ് സ്കീമിൽ അവതരിപ്പിച്ചുവെന്നല്ലാതെ ഡിസൈൻ, മെക്കാനിക്കൽ സംബന്ധമായ മാറ്റങ്ങളൊന്നും വരുത്തിയിട്ടില്ല. 373.3 സിസി സിംഗിള്‍, ലിക്വിഡ് കൂള്‍ഡ്, ഫ്യൂവല്‍ ഇഞ്ചക്ടഡ് എൻജിനാണ് ബജാജ് ഡോമിനാര്‍ 400 ന് കരുത്തേകുന്നത്. 34.5 ബിഎച്ച്പിയും 35 എൻഎം ടോർക്കുമാണ് ഈ എൻജിൻ ഉല്പാദിപ്പിക്കുന്നത്. 6 സ്പീഡ് ഗിയര്‍ബോക്‌സും ഈ എൻജിനിൽ ഇടംതേടിയിട്ടുണ്ട്.

Bajaj Dominar 400 Matte Black Edition Launched In India

India's leading two-wheeler manufacturer Bajaj Auto has updated its flagship offering, the Dominar 400. The sports cruiser is now available in a new Matte Black paint job.