ഡോമിനാർ 400ന്‍റെ വില വീണ്ടും വർധിച്ചു

ബജാജ് വീണ്ടും ഡോമിനാർ 400ന്‍റെ വില വർധിപ്പിച്ചു. ഈ വർഷം ഇത് നാലാം തവണയാണ് വില വർധിക്കുന്നത്. 2,000 രൂപയാണ് വില വർധിപ്പിച്ചിരിക്കുന്നത്. ഇതിനകം തന്നെ പുതുക്കിയ വില പ്രാബല്യത്തിൽ വന്നു. ഡോമിനാർ നോൺ എബിഎസിന് 1.48 ലക്ഷം രൂപയാണ് വില. ഡോമിനാർ എബിഎസിന് 1.62 ലക്ഷം രൂപയുമാണ് വില.

ഈ വര്‍ഷം ആദ്യമാണ് ചില്ലറ പരിഷ്‌കാരങ്ങളോടെ പുതിയ ഡോമിനാർ വിപണിയിലെത്തിയത്. കാന്യോണ്‍ റെഡ്, റോക്ക് മാറ്റ് ബ്ലാക്, ഗ്ലേസിയര്‍ ബ്ലൂ എന്നീ മൂന്ന് പുതിയ നിറങ്ങളിലാണ് ഡോമിനാർ നിലവിൽ ലഭ്യമായിരിക്കുന്നത്.

373.3 സിസി ഒറ്റ സിലിണ്ടര്‍, ഫ്യൂവല്‍ ഇഞ്ചക്ടഡ്, ലിക്വിഡ്-കൂള്‍ഡ് എൻജിനാണ് ഡോമിനാറിന്‍റെ കരുത്ത്. 34.5 ബിഎച്ച്പിയും 35 എൻഎം ടോർക്കുമാണ് ഈ എൻജിൻ ഉല്പാദിപ്പിക്കുന്നത്. 6 സ്പീഡ് ആണ് ഗിയർബോക്സ്. സ്ലിപ്പർ ക്ലച്ചും ഡോമിനാറിൽ ഉൾപ്പെടുത്തിയിട്ടുണ്ട്.

തുടരെതുടരെയുള്ള വില വർധനവ് ഡോമിനാറിന്‍റെ വിൽപ്പനയെ സാരമായി ബാധിച്ചിട്ടുണ്ട്. ഇപ്പോൾ വീണ്ടും വിലവർധിപ്പിച്ചതും വില്പനയെ കാര്യമായി ബാധിച്ചേക്കും.