ബലെനോയ്ക്ക് ലിമിറ്റഡ് എഡിഷനുമായി മാരുതി

ലിമിറ്റഡ് എഡിഷൻ ബലെനോയുമായി മാരുതി ഇന്ത്യയിൽ. ഉത്സവകാലം പ്രമാണിച്ചാണ് മാരുതി ബലെനോയുടെ ലിമിറ്റഡ് എഡിഷനുമായി എത്തിയിരിക്കുന്നത്. നിലവിലെ മോഡലിനെ അപേക്ഷിച്ച് 30,000 രൂപ അധിക വിലയിലാണ് പുതിയ ബലെനോ എത്തിയതെന്നാണ് സൂചന. വില സംബന്ധിച്ച വിവരങ്ങളൊന്നും മാരുതി പുറത്തുവിട്ടിട്ടില്ല. ചില്ലറ കോസ്മെറ്റിക് അപ്ഡേഷനുകളോടെയാണ് ബലെനോ ലിമിറ്റഡ് എഡിഷന്‍റെ അവതരണം നടത്തിയിരിക്കുന്നത്.

മുന്നിലും പിന്നിലും വശങ്ങളിലുമുള്ള സ്കർട്ടുകൾ, ബോഡി സൈഡ് മൗൾഡിങ് എന്നിവ നൽകി പുറംമോടി വർധിപ്പിച്ചിട്ടുണ്ട്. പുതിയ അപ്ഹോൾസ്ട്രെയും കാർബൺ അലങ്കാരമുള്ള സീറ്റ് കവർ, ത്രിമാന ഫ്ലോർ മാറ്റ്, പ്രീമിയം ടിഷ്യു ബോക്സ് എന്നിവ അകതളത്തിലെ ശ്രദ്ധേയമായ മാറ്റങ്ങളാണ്. മെക്കാനിക്കൾ സംബന്ധിച്ച് മാറ്റങ്ങളൊന്നുമില്ല. അതെ 1.2 ലിറ്റർ പെട്രോൾ, 1.3 ലിറ്റർ ഡീസൽ എൻജിനുകൾ തന്നെയാണ് കരുത്തേകുന്നത്.

82 ബിഎച്ച്പിയും 113എൻഎം ടോർക്കുമാണ് പെട്രോൾ എൻജിൻ ഉല്പാദിപ്പിക്കുന്നത്. ഡീസൽ എൻജിൻ 74 ബിഎച്ച്പിയും 190 എൻഎം ടോർക്കും ഉല്പാദിപ്പിക്കുന്നു. പെട്രോൾ എൻജിനിൽ 5 സ്പീഡ് മാനുവൽ, സിവിടി ആണ് ട്രാൻസ്മിഷൻ. അതേസമയം 5 സ്പീഡ് മാനുവൽ മാത്രമാണ് ഡീസൽ എൻജിനിലുള്ളത്.