ബിഎംഡബ്ല്യൂ F 750 GS, F 850 GS ബൈക്കുകൾ ഇന്ത്യയിൽ

ബിഎംഡബ്ല്യൂ പുതിയ എഫ് 750 ജിഎസ്, എഫ് 850 ജിഎസ് ബൈക്കുകളെ വിപണിയിലെത്തിച്ചു. സിബിയു ചാനൽ വഴിയാണ് ഇന്ത്യയിൽ ഈ ബൈക്കുകളെ എത്തിച്ചിരിക്കുന്നത്. ഡൽഹി എക്സ്ഷോറൂം 11.95 ലക്ഷമാണ് എഫ് 750 ജിഎസിന്‍റെ വില. അതേസമയം എഫ് 850 ജിഎസിന് 12.95 ലക്ഷം രൂപയുമാണ് വില. ഇതിനകം തന്നെ ബിഎംഡബ്ല്യൂ മോട്ടോറാഡ് ഡീലർഷിപ്പുകളിൽ ഈ ബൈക്കുകളുടെ ബുക്കിങും ആരംഭിച്ചു കഴിഞ്ഞു.

ഈ ബൈക്കുകളുടെ പ്രോ, പ്രോ ലോ സസ്പെൻഷൻ മോഡലുകളും കമ്പനി ലഭ്യമാക്കിയിട്ടുണ്ട്. സ്റ്റാൻഡേർഡ് മോഡലുകളിൽ നിന്നും 1.25 ലക്ഷം, 1.45 ലക്ഷം അധികം നൽകിയാൽ ഈ മോഡലുകൾ സ്വന്തമാക്കാം. ലോ സീറ്റ് ഹൈറ്റ് തെരഞ്ഞെടുക്കുന്നവർക്ക് യോജിച്ച ഒരു ബൈക്കാണ് എഫ് 750 ജിഎസ്. 815 എംഎം സീറ്റ് ഹൈറ്റ് ആണ് ഈ ബൈക്കിനുള്ളത്. വേണ്ടി വന്നാൽ ഓപ്ഷൺൽ കിറ്റ് ഉപയോഗിച്ചുകൊണ്ട് സീറ്റ് ഉയരം 770എംഎം ആക്കി താഴ്ത്തുകയും ചെയ്യാം.

ഇതെ ഡിസൈൻ ശൈലിയിലുള്ള ഒരു ഓഫ് റോഡ് ബൈക്ക് ആണ് എഫ് 850 ജിഎസ്. ഉയർന്ന സാഡിൽ, മികച്ച കരുത്ത്, മികവുറ്റ സസ്പെൻഷൻ, ഈടു നിൽക്കുന്ന വയർ സ്പോക് വീലുകൾ എന്നിവയാണ് ഈ ബൈക്കിന്‍റെ പ്രധാന സവിശേഷതകൾ. 853സിസി പാരലൽ ട്വിൻ സിലിണ്ടർ എൻജിനാണ് ഇരു മോഡലുകൾക്കും കരുത്തേകുന്നത്. 6 സ്പീഡ് ആണ് ട്രാൻസ്മിഷൻ.

എഫ് 750 ജിഎസ് 77പിഎസ് കരുത്താണ് പ്രദാനം ചെയ്യുന്നത്. അതേസമയം 95പിഎസ് കരുത്തുള്ള ബൈക്കാണ് എഫ് 850 ജിഎസ്. റെയ്ൻ, റോഡ് എന്നീ രണ്ട് ഡ്രൈവിങ് മോഡുകളും ബൈക്കിൽ ഉൾപ്പെടുത്തിയിട്ടുണ്ട്. എൽഇഡി ഹെഡ് ലാമ്പുകൾ, 6.5 ഇഞ്ച് ഡിസ്പ്ലെ, ബ്ലൂടൂത്ത്, നാവിഗേഷൻ എന്നീ സവിശേഷതകളും ഈ ബൈക്കുകളിൽ ഒരുക്കിയിട്ടുണ്ട്.

എബിഎസ്, ഓട്ടോമാറ്റിക് സ്റ്റബിലിറ്റി കൺട്രോൾ, ഇലക്ട്രിക് സസ്പെൻഷൻ അഡ്ജസ്മെന്‍റ് തുടങ്ങിയ സുരക്ഷാഫീച്ചറുകളും ബൈക്കുകളിൽ ലഭ്യമാക്കിയിട്ടുണ്ട്.