ബിഎംഡബ്ല്യൂ X5, X6 സ്പെഷ്യൽ എഡിഷനുകളെ പുറത്തിറക്കി

ബിഎംഡബ്ല്യൂ X5, X6 സ്പെഷ്യൽ എഡിഷനുകളെ പുറത്തിറക്കി. X5 സ്പെഷ്യൽ എഡിഷൻ, X6 എം സ്പോർട് എഡിഷൻ എന്നീ മോഡലുകളെ ഡിസംബർ മാസത്തോടെയായിരിക്കും വിപണിയിലവതരിപ്പിക്കുക. യൂറോപ്പ്യൻ വിപണിയിലായിരിക്കും ഇവയുടെ ആദ്യാവതരണം നടക്കുക.



ദക്കോട്ട ലെതർ അപ്ഹോൾസ്ട്രെ, ഹീറ്റഡ് ഫ്രണ്ട് സീറ്റുകൾ എന്നിവയാണ് X5 സ്പെഷ്യൽ എഡിഷന്‍റെ പ്രധാന സവിശേഷത. കമ്പനിയുടെ എക്സ്ക്ലൂസീവ് മെറീനോ ലെതർ അപ്ഹോൾസ്ട്രെയും ഓപ്ഷണലായി നൽകിയിട്ടുണ്ട്. അഞ്ച് വ്യത്യസ്ത നിറങ്ങളിലാണ് ഈ അപ്ഹോൾസ്ട്രെ അവതരിപ്പിച്ചിരിക്കുന്നത്. മള്‍ട്ടി ഫംങ്ഷന്‍ ഇന്‍സ്ട്രമെന്‍റ് ഡിസ്‌പ്ലേ, സൺ പ്രോട്ടക്ഷൻ ഗ്ലാസ് എന്നിവയും സ്റ്റാൻഡേർഡ് ഫീച്ചറായി X5 ൽ ഉൾക്കൊള്ളിച്ചിട്ടുണ്ട്.



ബീച്ച് ബ്ലൂ മെറ്റാലിക് കളർ ഓപ്ഷനാണ് X6 എം സ്പോർട് എഡിഷനിൽ ഉൾക്കൊള്ളിച്ചിരിക്കുന്നത്. നിലവിലുള്ള കാർബൺ ബ്ലാക്ക്, മിനറൽ വൈറ്റ് കളർ ഓപ്ഷനുകളും ഈ പതിപ്പിൽ ലഭ്യമാക്കിയിട്ടുണ്ട്. 20 ഇഞ്ച് എം ലൈറ്റ് അലോയ് വീലുകളാണ് ഈ എഡിഷനിലെ മറ്റൊരു പ്രധാന സവിശേഷത. X5, X6 മോഡലുകളുടെ M50d വേരിയന്‍റ് ഒഴികെ മറ്റെല്ലാ വേരിയന്‍റുകളിലും സ്പെഷ്യൽ എഡിഷനുകൾ ലഭ്യമാകും.

BMW X5 ‘Special Edition’ & X6 ‘M Sport Edition’ Revealed

German luxury carmaker BMW has revealed a pair of special edition packages for its X5 & X6 SUVs which add more equipment and features to both cars.