ക്ലീവ്‍ലാൻഡ് ബൈക്കുകളുടെ ഇന്ത്യയിലെ വില പ്രഖ്യാപിച്ചു

റോയൽ എൻഫീൽഡുമായി കിടപിടിക്കാൻ അമേരിക്കൻ നിർമാതാക്കളായ ക്ലീവ്‍ലാൻഡ് സൈക്കിൾ വർക്സ് ഇന്ത്യയിലേക്ക്. അടുത്ത മാസത്തോടെ വിപണിയിലെത്തുന്ന ബൈക്കുകളുടെ ഇന്ത്യയിലെ വില പ്രഖ്യാപിച്ചിരിക്കുകയാണ് കമ്പനി. മുംബൈയിൽ നടന്ന ചടങ്ങിൽ എയ്‌സ്, മിസ്ഫിറ്റ് മോഡലുകളുടെ പ്രദർശനം നടത്തിയാണ് കമ്പനി വില പ്രഖ്യാപനം നടത്തിയിരിക്കുന്നത്.

എയ്‌സിന് 2.23 ലക്ഷവും മിസ്ഫിറ്റിന് 2.49 ലക്ഷവുമാണ് വില പ്രഖ്യാപിച്ചിരിക്കുന്നത്. കഫെ, ഡീലക്സ്, സ്ക്രാമ്പളർ പതിപ്പുകളിലാണ് എയ്‌സ് അവതരിക്കുന്നത്. ചൈനയിൽ നിന്നും ഇറക്കുമതി ചെയ്ത് പൂനൈയിലെ കേന്ദ്രത്തിൽ വെച്ചായിരിക്കും അസംബിൾ ചെയ്യുക. 229 സിസി സിങ്കിൾ സിലിണ്ടർ എയർ കൂൾഡ് എൻജിനാണ് രണ്ട് ബൈക്കുകൾക്കും കരുത്തേകുന്നത്. 15.4 ബിഎച്ച്പിയും 16 എൻഎം ടോർക്കുമാണ് ഈ എൻജിൻ ഉല്പാദിപ്പിക്കുന്നത്. 5 സ്പീഡ് ആണ് ഗിയർബോക്സ്.