അമിത വേഗത; കെടിഎം ബൈക്ക് ഫ്യൂവല്‍ടാങ്കില്‍ പോലീസ് ഉപ്പ് വിതറി

കെടിഎം ബൈക്കുക്കാരെ ഓന്നൊന്നായി പിടികൂടകയാണ് കേരളത്തിലെ പോലീസുകാർ. ശരിയായ വിധത്തിലുള്ള റൈഡിങ് ഗിയർ ധരിച്ച് മാന്യമായ വേഗതയിൽ പോയാൽ കൂടിയും കെടിഎംക്കാരെ പോലീസ് പിടികൂടുമെന്ന സ്ഥിതി വന്നിരിക്കുകയാണ്. ഇത്തരം സംഭവങ്ങൾ നിരന്തരം സാമൂഹ്യ മാധ്യമങ്ങളിലും ചർച്ചയാകാറുണ്ട്. അടുത്തിടെ അമിത വേഗതയ്ക്ക് പിടിക്കപ്പെട്ട കെടിഎം ബൈക്ക് ഉടമ ഒരു ഫേസ്ബുക്ക് ലൈവ് ഷെയർ ചെയ്തിരുന്നു. അത്തരമൊരു സംഭവം വീണ്ടുമരങ്ങേറിയിരിക്കുകയാണ്.



തിരുവനന്തപുരം മ്യൂസിയം പൊലീസ് സ്റ്റേഷനിലെ ട്രാഫിക് പോലീസാണ് ഈ കെടിഎം ബൈക്കുകാരനെ പിടികൂടിയിരിക്കുന്നത്. മിതമായ വേഗതയിൽ ഓടിച്ചിരുന്ന ബൈക്കുകാരനെ പോലീസ് തടഞ്ഞുനിർത്തി. ഫുൾ റൈഡിങ് ഗിയർ ഉണ്ടായിരുന്നിട്ടും മാന്യമായ വേഗതയിൽ പോവുകയായിരുന്ന റൈഡറെയാണ് പിടികൂടിയത് എന്നാണ് ശ്രദ്ധേയം.



അമിത വേഗതയുണ്ടായിരുന്നു എന്നാണ് പോലീസ് വ്യക്തമാക്കുന്ന കാരണം. ഇതെ ചൊല്ലി പോലീസും റൈഡറും തമ്മിൽ വാക്കേറ്റമുണ്ടായി. തുടർന്ന് പോലീസുകാരൻ കെടിഎം RC 200 ന്‍റെ ഫ്യൂവല്‍ ടാങ്കിലേക്ക് ഉപ്പ് കൊണ്ടുവന്നിടുകയായിരുന്നു. പുതുതായി വാങ്ങിയ ബൈക്കിലായിരുന്നു പോലീസുകാരന്‍റെ ഈ അതിക്രമം. കെടിഎം ബൈക്കുകാരെ പോലീസ് തിരഞ്ഞുപിടിച്ച് ഉപദ്രവിക്കുന്നു എന്ന പരാതികൾ വ്യാപകമായി ഉയർന്നിട്ടുണ്ട്.

Cop pours salt in KTM fuel tank

Cop in kerala pours salt in KTM RC fuel tank as he suspected rider of over-speeding.