ഡുക്കാട്ടി സ്ക്രാമ്പ്ളർ 1100 ഇന്ത്യയിൽ അവതരിച്ചു

പുതിയ ഡുക്കാട്ടി സ്ക്രാമ്പ്ളർ 1100 വിപണിയിൽ. ഇന്ത്യയിൽ എത്തിയ ഡുക്കാട്ടിയുടെ ഏറ്റവും ഉയർന്ന മോഡലാണിത്. ഡൽഹി എക്സ്ഷോറൂം 10.91 ലക്ഷം രൂപ മുതലാണ് വിലയാരംഭിക്കുന്നത്. സ്റ്റാന്‍ഡേര്‍ഡ് 1100, സ്‌ക്രാമ്പ്‌ളര്‍ 1100 സ്‌പെഷ്യല്‍, സ്‌ക്രാമ്പ്‌ളര്‍ 1100 സ്‌പോര്‍ട് എന്നീ വകഭേദങ്ങളിൽ എത്തിയ സ്ക്രാമ്പ്ളർ 1100 ന് 10.91 ലക്ഷം, 11.12 ലക്ഷം, 11.42 ലക്ഷം രൂപ എന്ന നിരക്കിലാണ് വില.

ഇതിനകം തന്നെ ബുക്കിങ് ആരംഭിച്ചു കഴിഞ്ഞു. അടുത്തമാസം മുതൽ ഡെലിവറി ആരംഭിക്കുമെന്നും കമ്പനി അറിയിച്ചു. '62 യെല്ലോ, ഷൈനിങ് ബ്ലാക് നിറങ്ങളിൽ മാത്രമായിരിക്കും ഡുക്കാട്ടി സ്‌ക്രാമ്പ്‌ളര്‍ 1100 ലഭ്യമാവുക. നിലവിലെ മോഡലുകളെക്കാളും വലുപ്പ കൂടുതലുണ്ട് പുതിയ സ്ക്രാമ്പ്ളർ 1100 ന്.

പതിവ് സ്ക്രാമ്പ്ളർ മോഡലുകളിൽ നിന്നും വ്യത്യസ്തമായി ചില്ലറ അപ്ഡേഷനുകളോടെയാണ് പുതിയ സ്ക്രാമ്പ്ളർ 1100 അവതരിച്ചിരിക്കുന്നത്. ഡബിള്‍ സൈഡഡ് അലൂമിനിയം സ്വിംഗ്ആം, സ്റ്റീല്‍ ട്രെല്ലിസ് ഫ്രെയിം, പരിഷ്‌കരിച്ച ഡിജിറ്റല്‍ ഇന്‍സ്ട്രമെന്‍റ് ക്ലസ്റ്റര്‍ തുടങ്ങിയവ മോഡലിന് പുതുമയേകുന്നു. സീറ്റിനടിയിലായി ഒരുങ്ങിയിരിക്കുന്ന ഡ്യുവൽ എക്സ്ഹോസ്റ്റ് സംവിധാനം എടുത്തുപറയേണ്ട മറ്റൊരു സവിശേഷതയാണ്.

വലിയ പിസ്റ്റണുള്ള ബ്രേക്ക് പാഡുകള്‍, ക്രമീകരിക്കാവുന്ന ബ്രേക്ക്, ക്ലച്ച് എന്നിവ മറ്റു സവിശേഷതകളാണ്. റൈഡ് ബൈ വയര്‍ ത്രോട്ടിൽ, മൂന്നു റൈഡിംഗ് മോഡുകൾ എന്നിവയും മോഡലിൽ എടുത്തുപറയേണ്ട സവിശേഷതകളാണ്. ആക്ടിവ്, ജേര്‍ണി, സിറ്റി എന്നിങ്ങനെ മൂന്നു റൈഡിംഗ് മോഡുകളാണ് പുതിയ സ്ക്രാമ്പ്ളറിൽ ഉള്ളത്.

ഉയര്‍ന്ന ശേഷിയുള്ള എൻജിനാണ് മറ്റൊരു പ്രധാന ഹൈലേറ്റ്. 85 ബിഎച്ച്പിയും 88 എൻഎം ടോർക്കും നൽകുന്ന 1,079 സിസി എൻജിനാണ് സ്ക്രാമ്പ്ളർ 1100 ന്‍റെ കരുത്ത്. 6 സ്പീഡ് ആണ് ഗിയർബോക്സ്.