'ഗോഡ്‌സില്ല' സ്വന്തമാക്കിയ ഇന്ത്യൻ സെലിബ്രിറ്റികൾ

2016-ലാണ് ബോളിവുഡിന്റെ 'വണ്ടിപ്രാന്തൻ' ജോൺ എബ്രഹാം തന്റെ വാഹന ശേഖരത്തിൽ ജിടി-ആർ എത്തിച്ചത്. അതും വെറുമൊരു ജിടി-ആർ അല്ല, ജിടി-ആർ ബ്ലാക്ക് എഡിഷൻ. പേൾ ബ്ലാക്ക് എക്സ്റ്റീരിയർ കളറിന് പുറമെ കറുത്ത ഹെഡ്‌ലൈനർ, കറുപ്പ്, ചുവപ്പ് ആക്സന്റുകളുള്ള സീറ്റുകൾ, കറുപ്പിൽ പൊതിഞ്ഞ അലോയ് വീലുകൾ എന്നിവയാണ് ജിടി-ആർ ബ്ലാക്ക് എഡിഷന്റെ പ്രത്യേകതകൾ. ബ്ലാക്ക് എഡിഷൻ ഇടയിൽ സ്വന്തമായുള്ള ഏക വ്യക്തിയാണ് ജോൺ എബ്രഹാം . 3 കോടിക്കടുത്ത് വില വരുന്ന ബ്ലാക്ക് എഡിഷന് 3.8 ലിറ്റർ ട്വിൻ-ടർബോ വി6 എഞ്ചിനാണ് ഹൃദയം. 6,400 ആർപിഎമ്മിൽ 565 ബിഎച്ച്പി കരുത്തും 633 എൻഎം ടോർക്കും ഈ എൻജിൻ നിർമിക്കുന്നു. മൂന്ന് സെക്കൻഡിനുള്ളിൽ 0-100 കിലോമീറ്റർ വേഗത കൈവരിക്കാൻ നിസ്സാൻ ജിടി-ആർ ബ്ലാക്ക് എഡിഷന് സാധിക്കും.

ഇന്ത്യയിലെ പ്രശസ്തരായ ലാംബോർഗിനി സൂപ്പർ കാർ, എസ്‌യുവി ഉടമകൾ

തെലുങ്ക് സിനിമ ലോകത്തെ യുവരാജാവായ നാഗചൈത്യ തികഞ്ഞ ഒരു വാഹന പ്രേമിയാണ്. ചുവപ്പു നിറത്തിലുള്ള 2016-ലെ അപ്ഡേറ്റിന് മുൻപുള്ള മോഡൽ ആണ് നടി സാമന്തയുടെ ഭർത്താവും നടൻ നാഗാർജുനയുടെ മകനുമായ നാഗാർജുനയുടെ ജിടി-ആർ. ഈ കാറുമൊത്ത് ഡെൽഹിക്കടുത്തുള്ള ഫോർമുല 1 റേസ് ട്രാക്കായ ബുദ്ധ് ഇന്റർനാഷണൽ സർക്യൂട്ടിൽ ട്രാക്ക് ഡേയ്ക്ക് എത്താറുണ്ട്. ബംഗളുരുവിലെ പ്രശസ്തമായ കാർ ട്യൂണിങ് സ്ഥാപനമായ റേസ്ടെക് ട്യൂൺ ചെയ്തു കൂടുതൽ 'ഉഷാറാക്കിയ' മോഡൽ ആണ് നാഗചൈതന്യയുടേത്. ജിടി-ആർ കൂടാതെ റേഞ്ച് റോവർ വോഗ്, മെഴ്‌സിഡസ്-ബെൻസ് ജി63 എഎംജി, ഫെറാറി 458 എന്നീ മോഡലുകളും നാഗചൈതന്യയുടെ വാഹന ശേഖരത്തിലുണ്ട്.

ഈ ബോളിവുഡ് സുന്ദരിമാരുടെ ആഡംബര കാറുകൾ കണ്ടിട്ടുണ്ടോ?

കന്നഡ സിനിമ ലോകത്തും ഒരു ഗോഡ്‌സില്ല ഉടമയുണ്ട്. അഭിനേതാവ്, ഗായകൻ, ആങ്കർ, നിർമാതാവ് എന്നീ നിലകളിൽ വ്യക്തിമുദ്ര പതിപ്പിച്ച പ്രശസ്തനായ യുവ നടൻ ആണ് പുനീത് രാജ്‌കുമാർ. ജിടി-ആറിന്റെ സിഗ്നേച്ചർ നിറം ആയ കാറ്റ്സുറ ഓറഞ്ച് നിറത്തിലുള്ള മോഡൽ ആണ് പുനീതിന്റേത്. കർണാടകയിലെ ആദ്യ ജിടി-ആർ ഉടമയും അന്തരിച്ച കന്നഡ സിനിമ ഇതിഹാസം രാജ്‌കുമാറിന്റെ രണ്ടാമത്തെ മകൻ തന്നെ. പുനീതിന്റെ വാഹന ശേഖരത്തിലെ മറ്റൊരു താരം നീല നിറത്തിലുള്ള ലാംബോർഗിനി ഉറുസ് ആണ്. കഴിഞ്ഞ വർഷം മാർച്ച് 8-ാം തിയതി ലോക വനിതാ ദിനത്തിൽ ഭാര്യക്കുള്ള സമ്മാനമായാണ് പുനീത് രാജ്‌കുമാർ ലാംബോർഗിനിയുടെ സൂപ്പർ എസ്‌യുവി വാങ്ങിയത്. ഈ രണ്ട് കാറുകളും കൂടാതെ ഒരു റേഞ്ച് റോവർ എസ്‌യുവിയും പുനീതിനുണ്ട്.

ഇന്ത്യയിലെ പ്രശസ്തരായ ഫോർഡ് മസ്താങ് ഉടമകൾ

സാക്ഷാൽ ഫോർമുല 1 ഇതിഹാസം മൈക്കിൾ ഷുമാക്കർ സമ്മാനായി തന്ന ഫെറാറി 360 മോഡേണ സൂറത്തുകാരൻ വ്യവസായിക്ക് വിറ്റപ്പോൾ സച്ചിൻ പകരം വാങ്ങിയതാണ് നിസ്സാൻ ജിടി-ആർ. വെറും ഒരു ജിടി-ആർ മോഡൽ അല്ല, ഈഗോയിസ്റ്റ് എഡിഷൻ. ജിടി-ആർ മോഡലിന്റെ പിതാവ് എന്നറിയപ്പെടുന്ന വാഹന എൻജിനിയർ കസുതോഷി മിസുനോയുടെ മേൽനോട്ടത്തിൽ പ്രത്യേകം തയ്യാറാക്കുന്നതാണ് ഈഗോയിസ്റ്റ് എഡിഷൻ. ഉടമയായുടെ ശരീരത്തിന്റെ ഘടനയ്ക്കനുസരിച്ചാണ് ഈ മോഡലിലെ ഇന്റീരിയർ തയ്യാറാക്കുക. എക്‌സ്‌ക്ലൂസിവിറ്റിക്കായി വേൾഡ്‌ ബോഡി കിറ്റ് അടക്കം പല ഘടകങ്ങളും ഈഗോയിസ്റ്റ് എഡിഷനിൽ കൂട്ടിച്ചേർത്തിട്ടുണ്ട്. 2017-ൽ പക്ഷെ ഈ മോഡലിനെ സച്ചിൻ വിറ്റു.