അമിത വേഗതയ്ക്ക് ലോകത്തിലാദ്യമായി പിടിക്കപ്പെട്ട കാർ

അമിതവേഗതയാണ് റോഡപകടങ്ങൾക്കുള്ള പ്രധാന കാരണങ്ങളിലൊന്ന്. റോഡപകടത്തെ കുറിച്ചല്ല ഇവിടെ പറഞ്ഞുവരുന്നത്, ഒരുകാലത്ത് അമിത വേഗതയിലോടിച്ച് പിടിക്കപ്പെട്ട കാറാണിവിടെ പരാമർശിക്കപ്പെടുന്നത്. ലോകത്തിൽ ആദ്യമായി അമിതവേഗതയ്ക്ക് പിടിക്കപ്പെട്ട കാർ എന്ന രീതിയിലാണ് ഈ വാഹനം ശ്രദ്ധേയമാകുന്നത്. ഇപ്പോൾ കൺകേഴ്സ് ഓഫ് എലഗൻസ് മോട്ടോർഷോയിൽ ഈ കാറിന്‍റെ പ്രദർശനമൊരുക്കുകയാണ്. 1896 കാലയളവിൽ ബ്രിട്ടനിലാണ് അമിതവേഗത്തിൽ ഓടിച്ചതിന്‍റെ പേരിൽ ഈ കാർ പിടിക്കപ്പെട്ടത്.

അക്കാലത്ത് നിശ്ചയിച്ചിരുന്ന വേഗപരിധിയുടെ നാല് മടങ്ങ് വേഗതയിലായിരുന്നു ഈ വാഹനം ഓടിച്ചിരുന്നത്. മണിക്കൂറിൽ 13 കിലോമീറ്റർ വേഗതയിൽ സഞ്ചരിച്ചിരുന്ന ഈ മോട്ടോർ കാരെയ്ജിനെ പൊലീസുകാർ സൈക്കിളിൽ പിൻതുടർന്ന് പിടികൂടുകയായിരുന്നു. പിടികൂടുക മാത്രമല്ല അമിതവേഗതയിൽ ഓടിച്ചതിന് ഡ്രൈവറായ വാൾട്ടർ അർനോൾഡിന്‍റെ പേരിൽ ഒരു ഷില്ലിംങ് പിഴ ചുമത്തുകയും ചെയ്തിരുന്നു.



പിന്നീട് വേഗപരിധി 22.5 കിലോമീറ്ററായി പുനക്രമീകരിച്ചപ്പോൾ ലണ്ടൻ മുതൽ ബ്രൈട്ടൺ വരെ വാൾട്ടർ അർനോൾഡ് കാറിൽ യാത്ര ചെയ്തിരുന്നു. അതിന്‍റെ സ്മരണ പുതുക്കി ക്ലബ് വാർഷികത്തിന്‍റെ ഭാഗമായി ബ്രിട്ടനിൽ ഇന്നും റോയൽ ഓട്ടോമൊബൈൽ കാർ റൺ നടത്താറുണ്ട്. 1905 ന് മുൻപുള്ള കാറുകൾക്ക് മാത്രമെ ഈ റാലിയിൽ പങ്കെടുക്കാനുള്ള അനുമതിയുള്ളൂ.

ഹാംടൺ കൊട്ടാരത്തിൽ സംഘടിപ്പിക്കുന്ന കൺകേഴ്സ് ഓഫ് എലഗൻസ് മോട്ടോർഷോയിലാണ് ലോകത്തിൽ ആദ്യമായി അമിത വേഗതയ്ക്ക് പിഴചുമത്തിയ ഈ മോട്ടോർ കാരെയ്ജ് പ്രദർശിപ്പിക്കുന്നത്. ഇതോടൊപ്പം ലെ മാൻസ് കിരീടം ചൂടിയ ജാഗ്വർ എക്സ്ജെആർ-9, മക്ലാരൻ എഫ് 1 ജിടിആർ തുടങ്ങിയ കാറുകളും അണിനിരക്കും.

First car EVER to receive a speeding ticket was going at four times the limit

This is the first car to have ever received a speeding ticket – with the driver getting up to EIGHT miles per hour.