ഹ്യുണ്ടായ് വെർണ
ഹ്യുണ്ടായ് വെർണയുടെ പുതിയ തലമുറ മോഡൽ ഡിസൈനിലും ഫീച്ചറുകളിലും പുതുമകളോടെയാണ് വരുന്നത്. നിരവധി ഫീച്ചറുകളാണ് ഈ വാഹനത്തിലുല്ളത്. ഇതിൽ ഏറ്റവും ശ്രദ്ധേയമായ ഫീച്ചർ 64 കളർ ആംബിയന്റ് ലൈറ്റിങ്ങാണ്. ഈ ഫീച്ചർ എല്ലാ വേരിയന്റുകളിലും ലഭിക്കുകയില്ല എന്ന കാര്യം ഓർമ്മിക്കുക. ഹ്യുണ്ടായ് വെർണയുടെ SX ട്രിം മുതലുള്ള വേരിയന്റുകളിലാണ് ആംബിയന്റ് ലൈറ്റിങ് ഫീച്ചർ ലഭ്യമാകുന്നത്. ഈ വേരിയന്റിന് 10.96 ലക്ഷം രൂപ മുതലാണ് എക്സ് ഷോറൂം വില ആരംഭിക്കുന്നത്. ഇതിന് മുകളിലുള്ള എല്ലാ വേരിയന്റിലും ഫീച്ചർ ലഭ്യമാണ്.
Read More: കിടിലൻ റേഞ്ചും മികച്ച സവിശേഷതകളുമായി ടാറ്റ പഞ്ച് ഇവി വരുന്നു
കിയ സെൽറ്റോസ്
കിയ അടുത്തിടെയാണ് തങ്ങളുടെ ഇന്ത്യയിലെ ജനപ്രിയ മോഡലുകളിലൊന്നായ സെൽറ്റോസ് എസ്‌യുവിയുടെ ഫേസ്ലിഫ്റ്റ് പതിപ്പ് രാജ്യത്ത് അവതരിപ്പിച്ചത്. കിയ സെൽറ്റോസിന്റെ പുതിയ പതിപ്പും മുൻഗാമിയെപ്പോലെ ടെക്നോളജി ഫീച്ചറുകളുടെ കാര്യത്തിൽ മികവ് പുലർത്തുന്നുണ്ട്. കിയ പറയുന്നതനുസരിച്ച് കിയ സെൽറ്റോസിന്റെ HTX ട്രിം മുതൽ മുകളിലോട്ടുള്ള എല്ലാ വേരിയന്റുകളിലും 64 കളർ ആംബിയന്റ് ലൈറ്റിങ് ഫീച്ചർ ലഭ്യമാകും. ഈ വേരിയന്റിന് 15.2 ലക്ഷം രൂപയാണ് എക്സ്-ഷോറൂം വില വരുന്നത്.
കിയ കാരൻസ്
കിയയുടെ ഫീച്ചറുകൾ നിറഞ്ഞ മറ്റൊരു മോഡലാണ് കിയ കാരൻസ്. ഈ എം‌പി‌വി 64 കളർ ആംബിയന്റ് ലൈറ്റിങ്ങുമായിട്ടാണ് വരുന്നത്. കിയ കാരൻസ് എംപിവിയുടെ ടോപ്പ്-സ്പെക്ക് ലക്ഷ്വറി വേരിയന്റിൽ മാത്രമാണ് ഈ ഫീച്ചർ ലഭ്യമാകുന്നത് എന്ന കാര്യം ശ്രദ്ധിക്കുക. മറ്റ് വേരിയന്റുകളിൽ ആംബിയന്റ് ലൈറ്റിങ് ലഭിക്കുകയില്ല. കിയ കാരൻസ് ലക്ഷ്വറി വേരിയന്റിന് 16.35 ലക്ഷം രൂപ മുതലാണ് എക്സ് ഷോറൂം വില ആരംഭിക്കുന്നത്. ആംബിയന്റ് ലൈറ്റിങ്ങിന് പുറമേ മറ്റ് നിരവധി മികച്ച ഫീച്ചറുകളും കിയ കാരൻസിലുണ്ട്.
Read More: കാത്തിരുന്ന് മടുക്കില്ല, ബുക്ക് ചെയ്താൽ ഉടൻ കിട്ടുന്ന വെയിറ്റിങ് പിരീഡ് കുറഞ്ഞ കാറുകൾ ഇവയാണ്
എംജി ഹെക്ടർ
മുകളിൽ സൂചിപ്പിച്ച വാഹനങ്ങൾ പോലെ എംജി ഹെക്ടറും അതിന്റെ ഫീച്ചറുകൾ കൊണ്ട് ജനപ്രിതി നേടിയ മോഡലാണ്. മുകളിൽ ലിസ്റ്റ് ചെയ്ത കാറുകളിൽ നിന്ന് വ്യത്യസ്തമായി എംജി ഹെക്ടറിന്റെ ഷാർ പ്രോ വേരിയന്റിൽ 8 കളർ ആംബിയന്റ് ലൈറ്റിങ്ങാണ് നൽകിയിട്ടുള്ളത്. എംജി ഹെക്ടറിന്റെ ഈ ട്രിം ലെവലിന്റെ എക്സ് ഷോറൂം വില ആരംഭിക്കുന്നത് 19.45 ലക്ഷം രൂപ മുതലാണ്. ആംബിയന്റ് ലൈറ്റിങ് കൂടാതെ സുരക്ഷയ്ക്കും സൌകര്യത്തിനുമുള്ള ഫീച്ചറുകളും എംജി ഹെക്ടറിൽ കമ്പനി നൽകിയിട്ടുണ്ട്.
ടാറ്റ ഹാരിയർ
ടാറ്റ ഹാരിയറിന് അടുത്തിടെ ഒരു വലിയ ഫേസ്ലിഫ്റ്റ് ലഭിച്ചിരുന്നു. ഡിസൈനിലും സവിശേഷതകളിലും മികവുമായിട്ടാണ് ടാറ്റ ഹാരിയർ വരുന്നത്. പുതിയ ഹാരിയർ എസ്‌യുവിയിൽ 64 ലൈറ്റ് ആംബിയന്റ് ലൈറ്റിങ്ങാണ് നൽകിയിട്ടുണ്ട്. വാഹനത്തിന്റെ അഡ്വഞ്ചർ ട്രിം മുതൽ മുകളിലേക്കുള്ള വേരിയന്റുകളിലാണ് ആംബിയന്റ് ലൈറ്റിങ് നൽകിയിട്ടുള്ളത്. ഈ ട്രിമ്മിന്റെ എക്സ് ഷോറൂം വില ആരംഭിക്കുന്നത് 20.19 ലക്ഷം രൂപ മുതലാണ്.
Read More: വോൾവോയുടെ ഈ കാറുകൾക്ക് ദീപാവലി ഓഫറായി 7 ലക്ഷം രൂപ വരെ കിഴിവ്