ഹാർലി ഡേവിഡ്സൺ ബൈക്കുകൾ 1.5 ലക്ഷം രൂപ വിലക്കിഴിവിൽ

ഹാർലി ഡേവിഡ്സൺ ആരാധകർക്ക് ഒരു സന്തോഷവാർത്ത. ഇന്ത്യൻ വിപണിയിൽ ഹാർലി മോഡലുകളിൽ വൻവിലക്കുറവ് ഏർപ്പെടുത്തിയിരിക്കുകയാണ് കമ്പനി. ഇന്ത്യയിൽ ഹാർലി ബൈക്കുകൾക്ക് നിരവധി ആരാധകരുണ്ടെങ്കിലും ഉയർന്ന വില സാധാരണക്കാരെ ഹാർലിയിൽ നിന്നും അകറ്റി നിർത്തിയിരുന്നു. ഇപ്പോഴിതാ സ്ട്രീറ്റ് 750, സ്ട്രീറ്റ് റോഡ്, റോഡ്‌സ്റ്റര്‍ മോഡലുകളില്‍ വൻവിലക്കുറവും ആനുകൂല്യങ്ങളും ലഭ്യമാക്കാം.

വളരെ കുറഞ്ഞ ഫിനാൻസ് നിരക്കാണ് ഹാർലി ഡേവിഡ്സൺ സ്ട്രീറ്റ് 750 യിൽ ലഭ്യമാക്കിയിരിക്കുന്നത്. ഇപ്പോൾ 3.49 EMI പലിശ നിരക്കിൽ സ്ട്രീറ്റ് 750 സ്വന്തമാക്കാം.5.25 ലക്ഷം രൂപയാണ് സ്ട്രീറ്റ് 750 യുടെ വില.

48,615 രൂപയുടെ വിലക്കിഴിവാണ് ഹാര്‍ലി സ്ട്രീറ്റ് റോഡില്‍ ലഭ്യമാക്കിയിരിക്കുന്നത്. എഞ്ചിന്‍ ഗാര്‍ഡ്, ഫ്രീ സീറോ ഡിപ്രിസിയേഷന്‍ ഇന്‍ഷൂറന്‍സ് തുടങ്ങിയവ ഇതോടൊപ്പം സൗജന്യമായി നൽകും. ഹാര്‍ലിയുടെ കരുത്തന്‍ സ്‌പോര്‍ടി പതിപ്പാണ് സ്ട്രീറ്റ് റോഡ്.

ഒന്നരലക്ഷം രൂപയുടെ വിലക്കിഴിവാണ് റോഡ്‌സ്റ്റര്‍ മോഡലിന് ലഭ്യമാക്കിയിരിക്കുന്നത്. 6.48 ലക്ഷം രൂപയാണ് ഹാർലി ഡേവിഡ്സൺ റോഡ്സ്റ്ററിന്‍റെ വില. സ്‌ക്രീമിന്‍ ഈഗിള്‍ മഫ്‌ളറുകളും ഇതോടൊപ്പം സൗജന്യ ആക്‌സസറിയായി ഉൾപ്പെടുത്തിയിട്ടുണ്ട്. സൗജന്യ ഫസ്റ്റ് സര്‍വീസ്, കോംപ്ലിമെന്‍ററി ഫസ്റ്റ് ഇയര്‍ ഇന്‍ഷൂറന്‍സ്, എൻജിൻ ഗാര്‍ഡ് എന്നിവയും മോഡലിനൊപ്പം ലഭ്യമാക്കിയിട്ടുണ്ട്. കൂടാതെ മോഡലിൻമേലുള്ള രജിസ്ര്ടേഷൻ നിരക്കും പിൻവലിച്ചിട്ടുണ്ട്.