ഹിദാർത്ഥിന് ഇഷ്ടം കാർട്ടൂൺ അല്ല ബെൻസ് പരസ്യം

പ്രായഭേദമന്യേ ഓരോരുത്തർക്കും ഓരോ സ്വപ്നകാറുണ്ടാകും. ചെറുപ്പംതൊട്ടെ മനസിൽ കയറികൂടിയ കാർ പിന്നീട് ഒരു കാരണവശാലും മറക്കുകയില്ല. കുഞ്ഞു നാളിൽ ആഗ്രഹിച്ച കാർ ചിലപ്പോൾ സ്വന്തമാക്കാൻ കഴിഞ്ഞെന്ന് വരില്ല. പോക്കറ്റിൽ ഒതുങ്ങാത്തതു തന്നെയായിരിക്കും മിക്കവരുടെയും പ്രശ്നം. എന്നാൽ അഹമ്മദാബാദിൽ നിന്നുള്ള അഞ്ചുവയസുകാരൻ ഹിദാർത്ഥ് ധോളാക്കിയയെ തേടിയെത്തിയത് ഒരു സുവർണാവസരം തന്നെയെന്ന് പറയാതിരിക്കാൻ വയ്യ.

കുഞ്ഞുനാൾ തൊട്ടെ ആൺ കുട്ടികൾക്ക് കാറുകളോടും ബസുകളോടും പ്രത്യേകമൊരിഷ്ടം കാണും. ഹിദാർത്ഥ് എന്ന അഞ്ചുവയസുകാരനും അക്കാര്യത്തിൽ ഒട്ടും പിറകിലല്ല. കളിക്കാൻ ഇഷ്ടം പോലെ ടോയ് കാറുണ്ടെങ്കിലും ഹിദാർത്ഥ് ഏറെയിഷ്ടം ആഡംബര കാറായ മെഴ്സിഡസ് ബെൻസ് തന്നെയാണ്. കാർട്ടൂൺ ചാനലുകളെക്കാളും ഹിദാർത്ഥ് ഇഷ്ടപ്പെടുന്നത് മെഴ്സിഡസിന്‍റെ പരസ്യമാണെന്നാണ് മാതാപിതാക്കൾ പറയുന്നത്. മെഴ്സിഡസ് പരസ്യം എത്രകണ്ടാലും ഹിദാർത്ഥിന് ഒരു മടുപ്പും വരില്ല.

മകന്‍റെ ഈ ഇഷ്ടം ഒരു തവണ പിതാവ് നിപുൺ ധോളാക്കിയ മെര്‍സിഡീസ് ബെന്‍സിന്‍റെ ട്വിറ്റർ പേജിൽ പങ്കുവെച്ചു. തികച്ചും അപ്രതീക്ഷിതം എന്നുവേണമെങ്കിൽ പറയാം മെര്‍സിഡീസ് ബെന്‍സ് ആ ട്വീറ്റ് റീട്വീറ്റ് ചെയ്തുകൊണ്ട് ഹിദാർത്ഥിന് ബെൻസിൽ യാത്ര ചെയ്യാനുള്ള അവസരമൊരുക്കി. അഹമ്മദാബാദിലെ മെര്‍സിഡീസ് ബെന്‍സ് ഡീലർഷിപ്പാണ് കുഞ്ഞു ഹിദാർത്ഥിന്‍റെ ആഗ്രഹം പൂർത്തീകരിച്ചത്. മെര്‍സിഡീസ് ബെന്‍സ് ജിഎല്‍ഇയിൽ ഹിദാര്‍ത്ഥും കുടുംബവും സഞ്ചരിക്കുന്ന ഫോട്ടോയും ട്വിറ്ററിൽ പങ്കുവെച്ചിട്ടുണ്ട്.

@MercedesBenzInd that moment of joy,curiosity,dream unfolding in a second pic.twitter.com/w5UZ0eONuX — Nipurn Dholakia (@Nipurn) May 13, 2017
@MercedesBenzInd thank you special thanks to team #Benchmark cars, you all made my son day. pic.twitter.com/eafopjt3PL — Nipurn Dholakia (@Nipurn) May 13, 2017 How Mercedes-Benz surprised a 5-year-old with an incredible gift

As kids, we all had a dream car that we wanted buy when we grew up. Five-year-old Hitarth too has the same idea.