ജർമൻ ആഡംബര കാർ നിർമാതാക്കളായ മെഴ്‌സിഡസ്-ബെൻസ് കഴിഞ്ഞ വർഷം ആണ് തങ്ങളുടെ ആഡംബര വാൻ ആയ വി-ക്ലാസ്സിനെ ഇന്ത്യയിൽ അവതരിപ്പിച്ചത്. ആഡംബരം നിറഞ്ഞ വലിയ വാഹനം ആയതുകൊണ്ടുതന്നെ സിനിമക്കാർക്കിയടയിൽ വി-ക്ലാസ് പെട്ടന്ന് ക്ലിക്ക് ആയി. സാക്ഷാൽ അമിതാഭ് ബച്ചൻ തന്ന കഴിഞ്ഞ വർഷം ഒരു തൂവെള്ള നിറത്തിലുള്ള വി-ക്ലാസ് സ്വന്തമാക്കി. ഇക്കൂട്ടത്തിലേക്കുള്ള പുത്തൻ താരമാണ് ഹൃതിക് റോഷൻ. ഫെബ്രുവരിയിൽ തന്റെ ജന്മദിനവുമായി ബന്ധപ്പെട്ടാണ് ഹൃതിക് റോഷൻ വി-ക്ലാസ്സിനെ വാങ്ങിയത്. ആവശ്യത്തിൽ കൂടുതൽ ആഡംബരമുണ്ടെകിലും ഈ വാനിനെ കൂടുതൽ കസ്റ്റമൈസ് ചെയ്തു താരം.
ആഡംബര കാറുകൾ കസ്റ്റമൈസ് ചെയ്യുന്നതിൽ പ്രസിദ്ധനായ കാർ ഡിസൈനർ ദിലീപ് ചാബ്രിയയുടെ ഉടമസ്ഥതയിലുള്ള ഡിസി2 കസ്റ്റമൈസേഷൻ ആണ് ഹൃതിക് റോഷന്റെ പുത്തൻ വാഹനത്തിൽ കൈവച്ചത്. എക്‌സ്റ്റീരിയറിൽ കാര്യമായി മിനുക്കുപണികൾ നടത്തിയിട്ടില്ല. അതെ സമയം ഇന്റീരിയർ കൂടുതൽ മനോഹരമാക്കിയിട്ടുണ്ട്. വി-ക്ലാസ് എലീറ്റ് മോഡൽ ആണ് ഹൃതിക് റോഷന്റേത്. ഇതിലെ നാല് സീറ്റുകളും അതെ പാടി നിലനിർത്തിയിട്ടുണ്ടെകിലും ഇപ്പോൾ മുഖത്തോട് മുക്കം കാണാവുന്ന വിധം ഫിക്‌സഡ് ആണ്. ഫ്ലോർ പൂർണമായും വുഡൻ പാനൽ ഘടിപ്പിച്ചിട്ടുണ്ട്. ഈ വുഡൻ ടച്ച് സൈഡ് ബോഡി പാനലുകളിലും കാണാം. പൂർണമായും പുറകിലേക്ക് താഴ്ത്താവുന്ന സീറ്റ് ഒരു ബെഡ് പോലെ ക്രമീകരിക്കാം. മാത്രമല്ല വെള്ള നിറത്തിലുള്ള ഡയമണ്ട് സ്റ്റിച്ച് സീറ്റുകൾ ആഢ്യത്വം വിളിച്ചോതുന്നു. ഇഷ്ടാനുസരണം മാറ്റാവുന്ന അംബിയെന്റ് ലൈറ്റിംഗും ഇതോടൊപ്പം ചേർത്തിട്ടുണ്ട്. സീലിങ്ങിൽ വിശാലമായ വെള്ള വെളിച്ചം പടർത്തുന്ന ലൈറ്റുകളാണ്. മടക്കി വയ്ക്കാവുന്ന ടേബിൾ, ഫ്രിഡ്ജ് എന്നിവയാണ് താരത്തിന്റെ പുത്തൻ വാനിലെ മറ്റുള്ള ആകർഷണങ്ങൾ. ചുരുക്കത്തിൽ ഒരു മിനി വാനിറ്റി വാൻ ആണ് ഹൃതിക് റോഷന്റെ കസ്റ്റമൈസ് ചെയ്ത വി-ക്ലാസ്.
എത്ര രൂപ കസ്റ്റമൈസേഷനായി താരം പൊടിച്ചു എന്ന് വ്യക്തമല്ല. പുതുപുത്തൻ വി-ക്ലാസ് എലൈറ്റിന് Rs 1.10 കോടി രൂപയാണ് എക്‌സ് ഷോറൂം വില. ഓൺ റോഡ് വിലയും, കസ്റ്റമൈസേഷനും കൂടെ കണക്കിലെടുക്കുമ്പോൾ ഏകദേശം 2 കോടി രൂപയെങ്കിലും ഇപ്പോഴുള്ള അവസ്ഥയിൽ വി-ക്ലാസ്സിനെ ആക്കിയെടുക്കാൻ താരം ചിലവഴിച്ചിട്ടുണ്ടാവും.
സല്ലു ഭായിയുടെ കാറുകളും ബൈക്കുകളും പൊളിയാണ്‌!
BS6 മലിനീകരണ നിയമങ്ങൾക്ക് പാലിക്കുന്ന പുതിയ OM654 2.0-ലിറ്റർ, 4-സിലിണ്ടർ, ടർബോ-ഡീസൽ എൻജിൻ ആണ് വി-ക്ലാസ് എലൈറ്റിൽ. 163 എച്ച്പി കരുത്തും 380 എന്‍എം ടോര്‍ക്കും നിർമിക്കുന്നതാണ് ഈ എൻജിനിൻ. 9-സ്പീഡ് ടോർക്-കൺവെർട്ടർ ഓട്ടോമാറ്റിക് ഗിയർബോക്‌സാണ്. പൂജ്യം മുതൽ 100 കിലോമീറ്റർ വേഗത്തിലെത്താൻ വി-ക്ലാസ് എലൈറ്റിന് 11 സെക്കന്റ് മാത്രം മതി. എലൈറ്റ് മോഡൽ കൂടാതെ വി-ക്ലാസ് എക്സ്പ്രെഷൻ, എക്‌സ്‌ക്‌ളൂസീവ് എന്നീ മോഡലുകൾ യഥാക്രമം Rs 68.40 ലക്ഷം, Rs 81.90 ലക്ഷം രൂപയ്ക്ക് മെഴ്‌സിഡസ് ബെൻസ് ഇന്ത്യയിൽ വിൽക്കുന്നുണ്ട്. വി-ക്ലാസ് മാർക്കോ പോളോ എന്നൊരു ക്യാമ്പെർ വാൻ വേർഷൻ ഫെബ്രുവരിൽ നടന്ന ഓട്ടോ എക്‌സ്‌പോയിൽ ലോഞ്ച് ചെയ്തിരുന്നു. ഹൊറൈസൺ, മാർക്കോ പോളോ എന്നിങ്ങനെ രണ്ടു വേരിയന്റുകളിൽ വില്പനക്കെത്തിയിരിക്കുന്ന മെഴ്‌സിഡീസിന്റെ ആഡംബര കാമ്പർ വാനിന് യഥാക്രമം 1.38 കോടി, 1.46 കോടി എന്നിങ്ങനെയാണ് എക്‌സ്-ഷോറൂം വില.