ജൂൺ മുതൽ ഹ്യുണ്ടായ് കാറുകളുടെ വില വർധിക്കും

ജൂൺ മുതൽ കാറുകളുടെ വില വർധിക്കുമെന്ന് ഹ്യുണ്ടായ്. രണ്ട് ശതമാനം വർധനവാണ് വിലയിൽ ഏർപ്പെടുത്തുന്നത്. ഉല്പാദന ചിലവ് വർധിച്ചതാണ് വില കൂടാനുള്ള കാരണമായി ഹ്യുണ്ടായ് ചൂണ്ടികാണിച്ചിരിക്കുന്നത്. ഇറക്കുമതി തീരുവയിലുണ്ടായ വർധനവും അതുപോലെ ഇന്ധന വിലയിൽ അടിക്കടിയുള്ള വർധനവും അധിക ബാധ്യതയായ സാഹചര്യത്തിലാണ് ഹ്യുണ്ടായ് വില വർധിപ്പിക്കാനുള്ള തീരുമാനമെടുത്തത്.

ക്രെറ്റ ഒഴിച്ച് മറ്റു കാറുകൾക്കെല്ലാം രണ്ട് ശതമാനം വർധനവ് ബാധമാകും. 9.43 ലക്ഷം പ്രാരംഭ വിലയിൽ കഴിഞ്ഞ ആഴ്ച വിപണയിൽ എത്തിയതിനാലാണ് ക്രെറ്റയുടെ വില വർധിപ്പിക്കാതിരുന്നത്. എൻട്രി ലെവൽ ഇയോണിൽ നിന്നും തുടങ്ങി പ്രീമിയം മോഡൽ ട്യൂസോൺ വരെയുള്ളതാണ് ഇന്ത്യയിലെ ഹ്യുണ്ടായ് കാർ നിര. പുതുക്കിയ വില ഡീലർഷിപ്പുകളിൽ നിന്നും പുറത്തുവിടുന്നതായിരിക്കും.