പ്രീമിയം ഹാച്ച്ബാക്ക് i20 യുടെ വിൽപന അഞ്ചു ലക്ഷം പിന്നിട്ടെന്ന് ഹ്യുണ്ടായ്. കഴിഞ്ഞ മാസമാണ് i20 യുടെ വിൽപന അഞ്ചു ലക്ഷം കവിഞ്ഞത്. പ്രീമിയം ഹാച്ച്ബാക്ക് ശ്രേണിയിൽ മാരുതി ബലെനോയാണ് i20യ്ക്ക് പ്രധാന എതിരാളിയായി നിലകൊള്ളുന്നത്. ജൂൺ മാസത്തോടെ ബലെനോയുടെ വിൽപന നാലു ലക്ഷം തികച്ചിരുന്നു. ഫീച്ചറുകളിലും യാത്രാ സുഖത്തിലും കൂടാതെ സുരക്ഷിതത്വത്തിലും ബലെനോയ്ക്കും i20യ്ക്കും തമ്മിൽ കാര്യമായ വ്യത്യാസമില്ലെങ്കിലും നേരിയ മുൻതൂക്കം i20യ്ക്ക് ആണെന്നാണ് കണക്കുകൾ സൂചിപ്പിക്കുന്നത്.
കഴിഞ്ഞമാസം 10,664 യൂണിറ്റിന്റെ വിൽപനയാണ് i20 കരസ്ഥമാക്കിയത്. ഓരോ മാസവും ശരാശരി 10,916 യൂണിറ്റുകളുടെ വിൽപന i20 കാഴ്ചവെക്കാറുണ്ട്. 2014 ആണ് ഇന്ത്യൻ വിപണിയിലെ i20യുടെ അരങ്ങേറ്റം. ബലെനോയെക്കാളും ഒരു വർഷം പ്രായക്കൂടുതലുള്ള i20യുടെ ഫേസ്ലിഫ്റ്റ് പതിപ്പ് ഇക്കഴിഞ്ഞ ഓട്ടോഎക്സ്പോയിലായിരുന്നു അരങ്ങേറിയത്. നവീകരിച്ച ഫീച്ചറുകളും പുതിയ 1.2 ലിറ്റർ പെട്രോൾ എൻജിനിൽ അവതരിച്ച പുതിയ i20ക്ക് ബലെനോ ഓട്ടോമാറ്റികിനെ പോലും ഫലപ്രദമായി നേരിടാൻ കഴിഞ്ഞുവെന്നാണ് വിലയിരുത്തൽ.
കഴിഞ്ഞമാസം 10,664 യൂണിറ്റിന്റെ വിൽപനയാണ് i20 കരസ്ഥമാക്കിയത്. ഓരോ മാസവും ശരാശരി 10,916 യൂണിറ്റുകളുടെ വിൽപന i20 കാഴ്ചവെക്കാറുണ്ട്. 2014 ആണ് ഇന്ത്യൻ വിപണിയിലെ i20യുടെ അരങ്ങേറ്റം. ബലെനോയെക്കാളും ഒരു വർഷം പ്രായക്കൂടുതലുള്ള i20യുടെ ഫേസ്ലിഫ്റ്റ് പതിപ്പ് ഇക്കഴിഞ്ഞ ഓട്ടോഎക്സ്പോയിലായിരുന്നു അരങ്ങേറിയത്. നവീകരിച്ച ഫീച്ചറുകളും പുതിയ 1.2 ലിറ്റർ പെട്രോൾ എൻജിനിൽ അവതരിച്ച പുതിയ i20ക്ക് ബലെനോ ഓട്ടോമാറ്റികിനെ പോലും ഫലപ്രദമായി നേരിടാൻ കഴിഞ്ഞുവെന്നാണ് വിലയിരുത്തൽ.