പുതിയ വെർണയ്ക്ക് 'ഇന്ത്യൻ കാർ ഓഫ് ദി ഇയർ' പുരസ്കാരം

ഇന്ത്യൻ കാർ ഓഫ് ദി ഇയർ പുരസ്കാരം ഹ്യുണ്ടായ് വെർണ സ്വന്തമാക്കി. ഹ്യുണ്ടായയുടെ പുത്തൽ തലമുറ വെർണയ്ക്കാണ് വാഹന വ്യവസായ രംഗത്തെ പ്രശസ്തമായ ഈ പുരസ്കാരം ലഭിച്ചത്. 18 അംഗ ജൂറിയാണ് വെർണയെ വോട്ടെടുപ്പിലൂടെ തെരഞ്ഞെടുത്തത്.

വെര്‍ണ, ക്രെറ്റ, എലൈറ്റ് ഐ 20, ഗ്രാന്‍ഡ് ഐ 10, ഐ 10 എന്നീ മോഡലുകൾക്ക് 2008 മുതൽ അഞ്ച് തവണയായി ഇന്ത്യൻ കാർ ഓഫ് ദി ഇയർ പുരസ്കാരം ലഭിക്കുന്ന ആദ്യത്തെ വാഹന നിർമാതാവാണ് ഹ്യുണ്ടായ്.

And here are the winners of the #ICOTY2018 and #IMOTY2018 awards on stage with @jktyrecorporate Chairman, Dr. Singhania @imoty_official pic.twitter.com/YoNE9H9HXO — ICOTY (@ICOTY_jury) December 13, 2017
സെഡാൻ സെഗ്മെന്‍റിൽ മികവുറ്റ ഡിസൈൻ, പെർഫോമൻസ്, ടെക്നോളജി, സുരക്ഷ, യാത്രാസുഖം എന്നിവയാണ് ഈ അഞ്ചാം തലമുറ വെർണയുടെ മുഖ്യ സവിശേഷതകൾ. 1.6 ലിറ്റർ പെട്രോൾ, ഡീസൽ എൻജിനുകളിലാണ് പുത്തൻ വെർണ ലഭ്യമായിട്ടുള്ളത്. മാനുവൽ, ഓട്ടോമാറ്റിക് ട്രാൻസ്മിഷനുകളും ഈ എൻജിനുകളിൽ ഇടംതേടിയിട്ടുണ്ട്. പുതിയ കെ2 പ്ലാറ്റ്ഫോമിനെ അടിസ്ഥാനപ്പെടുത്തിയാണ് നിർമാണം നടത്തിയിരിക്കുന്നത്.

അഞ്ചാം തലമുറ വെർണയും പെട്രോൾ പതിപ്പിന് 7.99 ലക്ഷം മുതൽ 12.23 ലക്ഷം വരെയാണ് വില. ഡീസൽ മോഡലിന് 9.19 ലക്ഷം മുതൽ 12.61 ലക്ഷം വരെയാണ് വില. ഇതുവരെയായി പുത്തൻ വെർണയ്ക്ക് 26,000 ബുക്കിങുകളും 200,000 എൻക്വറികളും വിദേശത്ത് നിന്ന് 10,500 യൂണിറ്റുകളുടെ ഓർഡറും ലഭിച്ചിട്ടുണ്ട്.