പുതിയ ചെറു എസ്‍യുവിയുമായി ജീപ്പ് ഇന്ത്യയിലേക്ക്

പുതിയ ചെറു എസ്‍യുവിയെ ഇന്ത്യയിൽ അവതരിപ്പിക്കാൻ ഒരുങ്ങി ജീപ്പ്. ഇന്ത്യയിലെ സബ് ഫോർ മീറ്റർ ശ്രേണിയിലേക്ക് ഈ ചെറു എസ്‍യുവിയുടെ വരവ്. ജീപ്പ് റെനഗേഡിന് താഴെയായിട്ടായരിക്കും ചെറു എസ്‍യുവിയുടെ സ്ഥാനം. ഓഫ് റോഡ് ശേഷി വെളിപ്പെടുത്തുന്ന തരത്തിൽ തന്നെയുള്ള ഡിസൈൻ ശൈലിയിലാണ് ഈ ചെറു എസ്‍യുവിയും ഒരുങ്ങുന്നത്.

കൂടുതൽ ബജറ്റ് മോഡലുകളെ ഇന്ത്യയിൽ അവതരിപ്പിക്കുക എന്ന ലക്ഷ്യമാണ് ഇതിന് പിന്നിൽ. പുതിയ റെനഗേഡിനെ വിപണിയിൽ എത്തിക്കാനുള്ള തയ്യാറെടുപ്പിലാണ് ജീപ്പ്. ഈ ചെറു എസ്‍യുവി കൂടി എത്തുന്നതോടെ ഇന്ത്യയിലെ ജീപ്പ് നിര കൂടുതൽ ശക്തിയാർജ്ജിക്കും. ഇതിനു പുറമെ പത്ത് പ്ലഗ് ഇൻ ഹൈബ്രിഡ്, നാല് വൈദ്യുത മോഡലുകൾ എന്നിവയെ കൂടി വിപണിയിൽ എത്തിക്കാനുള്ള പദ്ധതിയിലാണ് ജീപ്പ്.

മാരുതിയുടെ വിറ്റാര ബ്രെസ, ഫോർഡ് ഇക്കോസ്പോർട്, ടാറ്റ നെക്സോൺ എന്നിവയ്ക്കായിരിക്കും ജീപ്പിന്‍റെ ഈ ചെറു എസ്‍യുവി പ്രധാന വെല്ലുവിളി ഉയർത്തുക.