സ്വർണ സാമ്രാജ്യത്തിന്റെ സാരഥി
ടിഎസ് കല്യാണരാമൻ അയ്യർ 1993-ലാണ് ആദ്യ ജ്വല്ലറി ആരംഭിച്ചത്. ഇന്ന് 8000 തൊഴിലാളികളും 100-ൽ അധികം ഡീലർഷിപ്പുമായി ഒരു വൻ സ്വർണ സാമ്രാജ്യമാണ് കല്യാൺ ജ്വല്ലേഴ്‌സ്. അറുപത്തിയേഴാം വസസ്സിലും ചുറുചുറുക്കോടെ ഓടി നടക്കുന്ന ടിഎസ് കല്യാണരാമന് മക്കളായ രാജേഷ് കല്യാണരാമന്റെയും രമേശ് കല്യാണരാമന്റെയും വൻ പിന്തുണയാണുള്ളത്. പിന്നെ കൃത്യസമയത്ത് പറഞ്ഞ സ്ഥലത്ത് എത്തിച്ചേരാൻ ഒരു പിടി വാഹനങ്ങളും. റോൾസ് റോയ്‌സ് മുതൽ പ്രൈവറ്റ് ജെറ്റ് വരെ നീളുന്ന ടിഎസ് കല്യാണരാമന്റെ വാഹന വിശേഷങ്ങൾ തുടർന്നു വായിക്കാം.
റോൾസ് റോയ്‌സ് ഫാന്റം സീരീസ് II
ഒന്നല്ല, രണ്ടല്ല, മൂന്ന്. മൂന്ന് റോൾസ് റോയ്‌സ് ഫാന്റം സീരീസ് II ആണ് കല്യാൺ ജ്വല്ലേഴ്‌സിന്റെ ഉടമസ്ഥതയിൽ ഉള്ളത്. ഒന്ന് സിൽവർ നിറത്തിൽ, ഒരെണ്ണം വെള്ള നിറത്തിൽ, മറ്റൊന്ന് കറുപ്പ് നിറത്തിൽ. ടിഎസ് കല്യാണരാമനും മക്കളായ രാജേഷ് കല്യാണരാമനും രമേശ് കല്യാണരാമാനുമാണ് ഓരോ ഫാന്റം സീരീസ് II മോഡലുകളും ഉപയോഗിക്കുന്നത്. ഏകദേശം 9 കോടി രൂപയോളമാണ് റോൾസ് റോയ്‌സ് ഫാന്റം സീരീസ് II-ന്റെ വില. 6.75 ലിറ്റർ ട്വിൻ ടർബോ V12 എൻജിനാണ് ഫാന്റം സീരീസ് II-ന്റെ ഹൃദയം. 453 ബിഎച്ച്പി പവറും, 720 എൻഎം ടോർക്കും നിർമിക്കുന്നതാണ് ഈ എൻജിൻ. 240 kmph ആണ് റോൾസ് റോയ്‌സ് ഫാന്റം സീരീസ് II-ന്റെ പരമാവധി വേഗം. പൂജ്യത്തിൽ നിന്ന് 100 കിലോമീറ്റർ വേഗം എത്താൻ 5.9 സെക്കന്റ് മതി.
Also read: ഉടൻ ഇന്ത്യയിലെത്തുന്ന 5 പുത്തൻ കാർ കമ്പനികൾ
ഫോക്‌സ്‌വാഗൺ റ്റ്യൂറെഗ്
റോൾസ് റോയ്‌സ് ഫാന്റത്തിനു മുൻപ് കല്യാൺ ജ്വല്ലേഴ്‌സ് പച്ച പിടിച്ചു വരുന്ന സമയത് ടിഎസ് കല്യാണരാമൻ ഉപയോഗിച്ചിരുന്നത് ഫോക്‌സ്‌വാഗൺ റ്റ്യൂറെഗ് എസ്യുവിയായിരുന്നു. ഫോക്‌സ്‌വാഗൺ ആ സമയത് ഇന്ത്യയിൽ പ്രവർത്തനം ആരംഭിച്ചിട്ടില്ലായിരുന്നതിനാൽ പ്രത്യേകം ഇറക്കുമതി ചെയ്തതാണ് കല്യാണരാമൻ ഉപയോഗിച്ചിരുന്ന ഫോക്‌സ്‌വാഗൺ റ്റ്യൂറെഗ്. ഏകദേശം 30 ലക്ഷം രൂപയായിരുന്നു ഫോക്‌സ്‌വാഗൺ റ്റ്യൂറെഗിന്റെ വില. റ്റ്യൂറെഗിലെ 2.0 ലിറ്റർ ടർബോ ചാർജ്ഡ് 4 സിലിണ്ടർ എൻജിൻ 141 ബിഎച്പി പവറും 340 എൻഎം ടോർക്കും ആണ് നിർമിച്ചിരുന്നത്. 180 കിലോമീറ്റർ ആയിരുന്നു ഫോക്‌സ്‌വാഗൺ റ്റ്യൂറെഗിന്റെ പരമാവധി വേഗം.
ബിഎംഡബ്ള്യു 5 സീരീസ് 520 ഡി
ഒരു 'Ultimate driving machine'-ഉം ടിഎസ് കല്യാണരാമന്റെ വാഹന ശേഖരത്തിലുണ്ട്. 2017-ൽ ലോകവിപണിയിൽ അവതരിപ്പിച്ച ഏഴാം തലമുറ 5 സീരീസ് ആണ് ടിഎസ് കല്യാണരാമൻ സ്വന്തമാക്കിയത്. 2.0 ലിറ്റർ ടർബോ ചാർജ്ഡ് 4 സിലിണ്ടർ ഡീസൽ എൻജിനിൽ നിന്നാണ് 520 ഡിയ്ക്കാവശ്യമായ പവർ ലഭിക്കുന്നത്. 190 ബിഎച്പി പവറും 400 എൻഎം ടോർക്കും ആണ് ഔട്പുട്ട്. 8.1 സെക്കൻഡിൽ 100 കിലോമീറ്റർ വേഗത കൈവരിക്കാൻ സാധിക്കുന്ന 5 സീരീസ് 520 ഡിയുടെ പരമാവധി വേഗത 235 കിലോമീറ്റർ ആണ്.
Also read: സിനിമതാരം ജോൺ എബ്രഹാമും 6 ബൈക്ക് സന്തതികളും
എംബ്രെയർ ലെഗസി 650 (പ്രൈവറ്റ് ജെറ്റ്)
2015-ൽ ആണ് ടിഎസ് കല്യാണരാമൻ എംബ്രെയർ ലെഗസി 650 വാങ്ങിയത്. 25 മില്യണ്‍ ഡോളര്‍, ഏകദേശം 179 കോടി രൂപയോളം ചെലവഴിച്ചാണ് പൈലറ്റിനെ കൂടാതെ 14 പേര്‍ക്ക് യാത്ര ചെയ്യാവുന്ന പ്രൈവറ്റ് ജെറ്റ് ടിഎസ് കല്യാണരാമൻ വാങ്ങിയത്. 850 കിലോമീറ്റർ വേഗത്തിൽ പറക്കാനുള്ള ശേഷിയുള്ള മോഡലാണ് എംബ്രെയർ ലെഗസി 650. 7,220 കിലോമീറ്റർ (3,900 നൗട്ടിക്കൽ മൈൽ) നിർത്താതെ പറക്കാനും എംബ്രെയർ ലെഗസി 650-യ്ക്കാവും. വൈഫൈ, ഇന്റര്‍നെറ്റ്, ഫോണ്‍ സൗകര്യങ്ങളോടെയുള്ള ഒരു ഓഫീസിൽ പോലെ ടിഎസ് കല്യാണരാമന്റെ എംബ്രെയർ ലെഗസി 650-യുടെ ഒരു ഭാഗം മാറ്റിയിട്ടുണ്ട്. ലെഗസി 650 കൂടാതെ എമ്പറര്‍ ഫെനം 100 ജറ്റും കല്യാണ്‍ ജ്വല്ലേഴ്‌സിന് സ്വന്തമായുണ്ട്.
Also read: എംഎ യൂസഫലിയുടെ ആഡംബര കാറുകളും പ്രൈവറ്റ് ജെറ്റും
ബെല്‍ 429 ഹെലികോപ്റ്റർ
അമേരിക്കൻ-കനേഡിയൻ കമ്പനിയായ ബെല്ലിന്റെ 429 ഹെലികോപ്ടറും ടിഎസ് കല്യാണരാമൻ സ്വകാര്യ ആവശ്യങ്ങൾക്കായി ഉപയോഗിക്കുന്നുണ്ട്. ഏകദേശം 48 കോടിരൂപയാണ് ബെല്‍ 429 ഹെലികോപ്റ്ററിന്റെ വില. പ്രാറ്റ് & വിറ്റ്നെയ് കാനഡ PW207D ടർബോഷാഫ്റ്റ് എൻജിൻ ഉപയോഗിക്കുന്ന ബെല്‍ 429 ഹെലികോപ്റ്ററിനു 2+3+3 എന്നുള്ള രീതിയിൽ എട്ടുപേർക്ക് സഞ്ചരിക്കാനുള്ള സൗകര്യമുണ്ട്. നാലു ബ്ലേഡ് മെയിൻ റോട്ടറും രണ്ട് ബ്ലേയ്ഡ് ടെയിൽ റോട്ടറുമാണ് 429 ഹെലികോപ്റ്ററിന്.