ലോക വാഹന ഭൂപടത്തിൽ ജീപ്പ് ബ്രാൻഡിന് ഒരു പ്രത്യേക സ്ഥാനമുണ്ട്. യൂട്ടിലിറ്റി വാഹന നിർമ്മാണത്തിൽ ഉസ്താദ് ആണ് ഈ അമേരിക്കൻ ബ്രാൻഡ്. റെനെഗേഡ്, കോമ്പസ്, ഷിറോകീ എന്നിങ്ങനെ ധാരാളം മോഡലുകൾ ജീപ്പ് നിരയിലുണ്ടെങ്കിലും ജീപ്പിന്റെ ഗ്ലാമർ താരം റാംഗ്ലർ റൂബിക്കോൺ ആണ്. ഈ വർഷം മാർച്ചിലാണ് റാംഗ്ലർ റൂബിക്കോണിനെ ജീപ്പ് ഇന്ത്യൻ വിപണിയിൽ അവതരിപ്പിച്ചത്. അതെ സമയം റുബിക്കോണിൻ്റെ വളരെ കുറച്ചു യൂണിറ്റുകൾ മാത്രമേ ജീപ്പ് ഇന്ത്യയിൽ ലഭ്യമാക്കിയിട്ടുള്ളു. അതുകൊണ്ട് തന്നെ റാംഗ്ലർ റുബിക്കോൺ നിരത്തിൽ കാണുന്നത് ചുരുക്കമാണ്.
അതിനർത്ഥം റാംഗ്ലർ റുബിക്കോൺ കേരളത്തിൽ ഇല്ല എന്നല്ല. ഇതിനകം 3 ജീപ്പ് റാംഗ്ലർ റുബിക്കോൺ യൂണിറ്റുകൾ കേരളത്തിൽ എത്തിക്കഴിഞ്ഞു. ഇതിൽ കേരളത്തിലെത്തിയ ആദ്യ റുബിക്കോൺ തൃശ്ശൂരിലുണ്ട്, KL 08 BW 1 എന്ന ഫാൻസി നമ്പർ തിലകക്കുറിയായി ധരിച്ചുകൊണ്ട്. തൃശൂരിലെ സേഫ് ആൻഡ് സ്ട്രോംഗ് ബിസിനസ് കൺസൾട്ടന്റ്സ് എംഡി ഡോ പ്രവീൺ റാണയാണ് കേരളത്തിലെ ആദ്യ റാംഗ്ലർ റുബിക്കോണിൻ്റെ ഉടമ. 70 ലക്ഷത്തോളം ഓഫ്റോഡിങ്ങിൽ കിംഗ് ആയ ഈ എസ്യുവിയുടെ ഇന്ത്യയിലെ എക്സ്-ഷോറൂം വില. ഇതുകൂടാതെ 6.25 ലക്ഷം രൂപ ഫാൻസി നമ്പറിനായി പൊടിച്ചാണ് സിനിമാ നിർമ്മാതാവും സംവിധായകനും നടനും കൂടിയായ ഡോ പ്രവീൺ റാണ തന്റെ പുത്തൻ വാഹനത്തിന്റെ വരവ് കൊഴുപ്പിച്ചത്.
ദി ബീസ്റ്റ്: നിഗൂഢതകൾ നിറഞ്ഞ ട്രംപിന്റെ കറുത്ത ചെകുത്താൻ
ഇന്ദ്രൻസ്, മണികണ്ഠൻ എന്നിവർക്കൊപ്പം കേന്ദ്ര കഥാപാത്രത്തെ അവതരിപ്പിച്ച് റാണ നിർമാണവും സംവിധാനവും നിർവഹിക്കുന്ന ത്രില്ലർ ചിത്രമായ അനാൻ അണിയറയിൽ ഒരുങ്ങുന്നതിനിടെയാണ് ജീപ്പ് റാംഗ്ലർ റുബിക്കോണിൻ്റെ വരവ്. "അതുല്യമായ പവറും, എക്സ്ക്ലൂസിവിറ്റിയും, മികച്ച ഓഫ് റോഡ് പെർഫോമൻസും, സുരക്ഷിതത്വവും ആണ് തന്നെ റുബിക്കോണിലേയ്ക്ക് ആകർഷിച്ചതെന്ന് ഡോ പ്രവീൺ പറഞ്ഞു. തന്റെ ചുവപ്പ് റുബിക്കോണിൽ മൂംബൈയ്ക്കാണ് ഡോ പ്രവീണ് ആദ്യ ട്രിപ്പ് പ്ലാൻ ചെയ്തിരിക്കുന്നത്.
ജീപ്പ് റാംഗ്ലർ റുബിക്കോൺ
ബോണറ്റിന് ഇരുവശത്തുമായി 'RUBICON' സ്റ്റിക്കർ, 17-ഇഞ്ച് കറുപ്പ് നിറത്തിലുള്ള അലോയ് വീലുകൾ, ചുവപ്പു നിറത്തിൽ ടോ-ഹുക്ക്, ഉയരം കൂടിയ സൈഡ് ഫെൻഡർ, എയർ വെന്റുകളുള്ള ബോണറ്റ് എന്നിവയാണ് എക്സ്റ്റീരിയറിൽ റൂബിക്കോണിനെ എക്സ്റ്റീരിയറിൽ വ്യത്യസ്തമാക്കുന്നത്. ഓഫ്റോഡ് സ്പെഷ്യൽ മോഡൽ ആയതുകൊണ്ട് തന്നെ ഓൾ-ടെറയിൻ ടയറുകളാണ് റാംഗ്ലർ റൂബിക്കോണിലെ മറ്റൊരു പ്രത്യേകത. ഓഫ്റോഡ് യാത്രകളിൽ വാഹനത്തിന്റെ അടിഭാഗം തട്ടാതിരിക്കാൻ 217 എംഎം ഗ്രൗണ്ട് ക്ലിയറൻസും റാംഗ്ലർ റൂബിക്കോണിനുണ്ട്. ഫയർക്രാക്കർ റെഡ്, ബില്ലറ്റ് സിൽവർ, കറുപ്പ്, ബ്രൈറ്റ് വൈറ്റ്, ഗ്രാനൈറ്റ് ക്രിസ്റ്റൽ എന്നിങ്ങനെ അഞ്ചു നിറങ്ങളിലാണ് റാംഗ്ലർ റൂബിക്കോണിനെ ജീപ്പ് വില്പനക്കെത്തിച്ചിരിക്കുന്നത്.
ഇന്ത്യയിലെ ആദ്യ ജീപ്പ് റാംഗ്ലർ റൂബിക്കോണ് എത്തിയത് ഈ നഗരത്തിൽ
ഇന്റീരിയറിൽ ചുവപ്പു ഇൻസേർട്ടുകളുള്ള ഇൻസ്റ്റീരിയർ അപ്ഹോസ്റ്ററി, ടോഗിൾ സ്വിച്ചുകൾ എന്നിവയാണ് റൂബിക്കോണിനെ റാംഗ്ലർ അൺലിമിറ്റഡുമായി വേർതിരിക്കുന്നത്. ആപ്പിൾ കാർപ്ലേ, ആൻഡ്രോയിഡ് ഓട്ടോ കണക്ടിവിറ്റിയുള്ള ജീപ്പിന്റെ UConnect കണക്റ്റിവിറ്റി സ്യൂട്ട്, 7-ഇഞ്ച് മൾട്ടി-ഇൻഫർമേഷൻ ഡിസ്പ്ലേ, സെമി ഡിജിറ്റൽ ഇൻസ്ട്രുമെന്റ് പാനൽ, ഇലക്ട്രോണിക് സ്റ്റെബിലിറ്റി കൺട്രോൾ, ബ്രേക്ക് അസിസ്റ്റ്, ഓൾ-സ്പീഡ് ട്രാക്ഷൻ കൺട്രോൾ സിസ്റ്റം, ഫ്രണ്ട് & സൈഡ് എയർബാഗുകൾ എന്നീ ഫീച്ചറുകളും ജീപ്പ് റാംഗ്ലർ റൂബിക്കോണിൽ ഉൾപെടുത്തിയിട്ടുണ്ട്.
2.0-ലിറ്റർ, 4 സിലിണ്ടർ ടർബോചാർജ്ഡ് പെട്രോൾ എൻജിൻ ആണ് റാംഗ്ലർ റൂബിക്കോണിനെ ചലിപ്പിക്കുന്നത്. 264 ബിഎച്ച്പി പവറും 400 എൻഎം ടോർക്കും ഉത്പാദിപ്പിക്കുന്ന ഈ എൻജിൻ 8-സ്പീഡ് ഓട്ടോമാറ്റിക് ഗിയർബോക്സുമായാണ് ബന്ധിപ്പിച്ചിരിക്കുന്നത്. ജീപ്പിന്റെ RockTrac 4x4 ഓൾ-വീൽ ഡ്രൈവ് സിസ്റ്റവും റാംഗ്ലർ റൂബിക്കോണിലുണ്ട്.