നാട് തിരുവനന്തപുരം (KL 01), ജനിച്ചത് ഒന്നാം തിയതി, ഒന്നാം നമ്പർ ഭാഗ്യം കൊണ്ടുവന്നു എന്ന വിശ്വാസം, ദേവി ഫാർമസ്യൂട്ടിക്കൽസ് ഉടമ കെ. എസ്. ബാലഗോപാലിന് ഒന്നാം നമ്പർ വാഹന രജിസ്ട്രേഷനോട് തോന്നുന്ന അഭിനിവേശം വെറുതെയൊന്നുമല്ല. ഒന്നാം നമ്പർ വാഹന രജിസ്ട്രേഷൻ സ്വന്തമാക്കാൻ ഏതറ്റം വരെ പോവാനും തയ്യാറാണ് കെ എസ് ബാലഗോപാൽ. തന്റെ വാഹന നിരയിലെ ഏറ്റവും പുതിയ വാൻ മെഴ്സിഡസ്-ബെൻസ് വി-ക്ലാസ്സിനും ഒന്ന് എന്ന റെജിസ്ട്രേഷൻ നമ്പറാണ് കെ എസ് ബാലഗോപാൽ സ്വന്തമാക്കിയത്.
ഇത്തവണ വെറും ഒന്നല്ല. KL 01 CM 1. മുഖ്യമന്ത്രി പിണറായി വിജയന്റെ ഔദ്യോഗിക കാറിന് സമാനമായ നമ്പർ ലഭിക്കാൻ കെ എസ് ബാലഗോപാൽ ചിലവാക്കിയത് ഒരു ലക്ഷം രൂപ. അയ്യേ, ഇതാണോ ഇത്ര വലിയ തുക എന്ന് ചിന്തിക്കാൻ വരട്ടെ. ഈ വർഷത്തിന്റെ തുടക്കത്തിൽ ബാലഗോപാൽ സ്വന്തമാക്കിയ പോർഷെ സ്പോർട്സ് കാറിന്റെ രജിസ്ട്രേഷന് ചിലവാക്കിയ തുക കേൾക്കാണോ? 31 ലക്ഷം രൂപ. ഫാൻസി നമ്പറിനായുള്ള ലേലം അവസാനിപ്പിച്ചു എല്ലാം ഓൺലൈൻ രീതികളിൽ മാറിയപ്പോൾ ആണ് KL 01 CM 1 എന്ന നമ്പർ 'ചുളു വിലയിൽ' ബാലഗോപാലിന് സ്വന്തമായത്. ഒരു കോടിയോളം രൂപ വില വരുന്ന വി-ക്ലാസ്സിന് പക്ഷെ ഈ ഫാൻസി നമ്പർ ലഭിക്കാൻ എത്ര തുക വേണമെങ്കിലും ചിലവഴിക്കാൻ ബാലഗോപാൽ തയ്യാറായിരുന്നു.
Also read: വണ്ടിക്കമ്പത്തിലും പൃഥ്വിരാജിന്റെ ചേട്ടനാണ് ഇന്ദ്രജിത്ത്
കേരളത്തിലെ ഏറ്റവും വിലകൂടുതലുള്ള റെജിസ്ട്രേഷൻ നമ്പർ ഉടമ, രണ്ടാമത്തേതും
ഈ വർഷം ഫെബ്രുവരിൽ ഏകദേശം ഒരു കോടിയോളം രൂപയ്ക്ക് സ്വന്തമാക്കിയ ജർമൻ സ്പോർട്സ് കാർ നിർമ്മാതാക്കളായ പോർഷെയുടെ 718 ബോക്സ്റ്റർ കാറിന് വമ്പൻ റെജിസ്ട്രേഷൻ നമ്പർ തുക ചിലവാക്കിയതോടെയാണ് ബാലഗോപാൽ ജനശ്രദ്ധ നേടിയത്. തിരുവനന്തപുരം ആര്ടി ഓഫീസില് സംഘടിപ്പിച്ച ലേലത്തില് 'KL 01 CK 1' എന്ന റെജിസ്ട്രേഷൻ നമ്പറിനായി ഒരു ലക്ഷം രൂപ ഫീസടക്കം 31 ലക്ഷം രൂപയാണ് ബാലഗോപാല് ചിലവഴിച്ചത്. എൻആർഐ ബിസിനെസ്സുകാരൻ ഷൈൻ യൂസഫുമായി നടന്ന വാശിയേറിയ ലേലം വിളിക്കൊടുവിൽ ബാലഗോപാൽ ചിലവാക്കിയ തുക ഒരു ഫാൻസി നമ്പറിനായി കേരളത്തിൽ ചിലവഴിച്ച ഏറ്റവും ഉയർന്ന തുകയാണ്. രസകരമായ കാര്യം, ഈ റെക്കോർഡ് മുൻപും ബാലഗോപാലിന്റെ പേരിൽ തന്നെയായിരുന്നു. 2017-ൽ ബാലഗോപാൽ വാങ്ങിയ ടൊയോട്ട ലാൻഡ്ക്രൂയ്സർ എസ്യുവിക്കായി KL 01 CB 1 എന്ന ഫാൻസി റെജിസ്ട്രേഷൻ നമ്പർ 19 ലക്ഷം രൂപയ്ക്കാണ് ലേലത്തിൽ വാങ്ങിയത്.
മലയാള സിനിമയിലെ പ്രശസ്തരായ ബിഎംഡബ്ള്യു കാർ ഉടമകൾ
2004-ൽ വാങ്ങിയ മെഴ്സിഡസ് ബെൻസിന്റെ ആഡംബര കാറിനായി KL 01 AK 01 എന്ന ഫാൻസി നമ്പർ 3.05 ലക്ഷം രൂപയ്ക്ക് സ്വന്തമാക്കികൊണ്ടാണ് ബാലഗോപാൽ ഒന്നാം നമ്പർ 'വേട്ട' ആരംഭിച്ചത്. ഒന്നാം നമ്പർ മാത്രമല്ല കെ എസ് ബാലഗോപാലിന്റെ ഇഷ്ട ഫാൻസി നമ്പർ. തന്റെ മെഴ്സിഡസ് ബെൻസ് എസ് ക്ലാസ്സിന് KL 01 CF 7777 എന്ന നമ്പറും ടൊയോട്ട ഇന്നോവ ക്രിസ്റ്റയ്ക്ക് KL 01 CD 1111 എന്ന നമ്പറുമാണ് കെ എസ് ബാലഗോപാൽ തിരഞ്ഞെടുത്തത്. ഈ വാഹങ്ങൾ കൂടാതെ ഒരു ഫോക്സ്വാഗൺ ബീറ്റിലും ബാലഗോപാലിന്റെ വാഹന ശേഖരത്തിലുണ്ട്.
ബോളിവുഡിന്റെ 'വണ്ടിപ്രാന്തൻ' ജോൺ എബ്രഹാമിന്റെ സുപ്പർ കാറുകളും ബൈക്കുകളും