മഹീന്ദ്ര മോജോ XT300 ഇനി പുത്തൻ നിറത്തിൽ

മഹീന്ദ്ര മോജോ XT300 ഇനി പുത്തൻ നിറത്തിലും. പുതിയ ഓഷ്യൻ ബ്ലൂ-വൈറ്റ് നിറഭേദത്തിൽ കൂടി മോജോ XT300 ലഭ്യമാകുന്നതായിരിക്കും. ഡൽഹി എക്സ്ഷോറൂം 1.79 ലക്ഷം രൂപയാണ് മോജോ XT300 യുടെ വില. മോജോ XT300 ടോപ്പ് എൻഡ് വേരിയന്‍റിനെ വോൾക്കാനോ റെഡ്-സിൽവർ വകഭേദത്തിലും ലഭ്യമാക്കിയിട്ടുണ്ട്. നിലവിലെ കറുപ്പ് നിറത്തിലുള്ള മോഡലിനെ കമ്പനി പിൻവലിച്ചിട്ടാണ് പുത്തൻ നിറഭേദത്തെ അവതരിപ്പിച്ചിരിക്കുന്നത്.

26ബിഎച്ച്പിയും 30 എൻഎം ടോർക്കും നൽകുന്ന 295 സിസി ലിക്വിഡ് കൂൾഡ് എൻജിനാണ് ബൈക്കിന്‍റെ കരുത്ത്. 6 സ്പീഡ് ഗിയർബോക്സും ഇടംപിടിച്ചിട്ടുണ്ട്. മുന്നിലും പിന്നിലും 320 mm,240mm ഡിസ്ക് ബ്രേക്കുകളാണ് ബ്രേക്കിങ് സാധ്യമാക്കുന്നത്. സസ്പെൻഷൻ നിർവഹിക്കാനായി മുന്നിൽ അപ്സൈഡ് ഡൗൺ ഫോർക്കുകളും പിന്നിൽ മോണോഷോക്കുമാണ് ഒരുക്കിയിരിക്കുന്നത്.


ഇരട്ട എക്‌സ്‌ഹോസ്റ്റ്, എല്‍ഇഡി ഡെയ്‌ടൈം റണ്ണിംഗ് ലൈറ്റുകള്‍, ഇരട്ട പോഡ് ഹെഡ്‌ലാമ്പുകള്‍, 21 ലിറ്റര്‍ ഇന്ധനടാങ്ക്, സെമി ഡിജിറ്റല്‍ ഇന്‍സ്ട്രമെന്‍റ് കണ്‍സോൾ തുടങ്ങിയ ഫീച്ചറുകളും മോജോ XT300യുടെ പ്രധാന ഫീച്ചറുകളിൽപ്പെടും. നിലവിൽ ടിവിഎസ് അപാച്ചെ RR 310, ഹോണ്ട CBR250R,കെടിഎം 390 ഡ്യൂക്ക് മോഡലുകളാണ് പ്രധാന എതിരാളികളായി നിരത്തിലുള്ളത്.