9.39 ലക്ഷം രൂപയാണ് സിയാസ് എസ് സ്പോർടി പതിപ്പിന്‍റെ ഡൽഹി എക്സ്ഷോറൂം വില.
TNN17 Aug 2017, 7:33 pm
മാരുതി സുസൂക്കി സ്പോർടി പതിപ്പ് സിയാസിനെ വിപണിയിലെത്തിച്ചു. സിയാസ് എസ് എന്ന പേരിലാണ് സ്പോർടി പതിപ്പ് അവതരിച്ചിരിക്കുന്നത്. 9.39 ലക്ഷം രൂപയാണ് സിയാസ് എസ് സ്പോർടി പതിപ്പിന്‍റെ ഡൽഹി എക്സ്ഷോറൂം വില.
Samayam Malayalamസ്പോർടിയായി മാരുതി സിയാസ് നിരത്തിലേക്ക്
പ്രീമിയം ഇന്‍റീരിയര്‍, സ്പോർടി ബോഡി കിറ്റ്, ട്രങ്ക്-ലിഡ് സ്‌പോയിലര്‍ എന്നിങ്ങനെയുള്ള ഫീച്ചറുകൾ ഈ വാഹനത്തിൽ ഉൾക്കൊള്ളിച്ചിട്ടുണ്ട്. ഡീസൽ, പെട്രോൾ വകഭേദങ്ങളിൽ ഈ സ്പോർടി പതിപ്പ് ലഭ്യമാകുന്നതാണ്. ഇന്ത്യൽ സി സെഗ്മെന്‍റ് സെഡാനുകളിൽ ഏറ്റവും പ്രചാരമേറിയ വാഹനമാണ് മാരുതി സിയാസ്. ഒരു പ്രീമിയം ഫീൽ ലഭിക്കത്തക്ക വിധത്തിലുള്ള എല്ലാ ഫീച്ചറുകളും ഉൾക്കൊള്ളിച്ചാണ് മാരുതി ഈ സെഡാനെ അവതരിപ്പിച്ചിരുന്നത്.
സിയാസിന്‍റെ 1.70ലക്ഷം യൂണിറ്റുകളാണ് ഇതുവരെയായി മാരുതി വിറ്റഴിച്ചിരിക്കുന്നത്. യുവാക്കളെ ലക്ഷ്യംവച്ച് മാരുതി അവതരിപ്പിച്ച സിയാസ് കൂടുതൽ സ്പോർടി രൂപത്തിൽ വിപണിയിലെത്തിയിരിക്കുകയാണ്. ആദ്യമായിട്ടല്ല മാരുതി സിയാസിന്‍റെ സ്പോർടി പതിപ്പിനെ അവതരിപ്പിക്കുന്നത്. സിയാസ് ആർഎസ് എന്ന പേരിൽ ചില്ലറ കോസ്മെറ്റിക് പരിവർത്തനങ്ങൾ നടത്തിയുള്ള ഒരു മോഡലിനെ അവതരിപ്പിച്ചിരുന്നു.
വലുപ്പമേറിയ റിയര്‍ ബമ്പര്‍, റിയര്‍ സ്‌പോയിലര്‍, പുതിയ ഫ്രണ്ട്-സൈഡ് അണ്ടര്‍ സ്‌പോയിലറുകള്‍ എന്നീ ഫീച്ചറുകൾ ഉൾപ്പെടുത്തിയാണ് സിയാസിന് സ്പോർടി ലുക്ക് നൽകിയിരിക്കുന്നത്. സ്പോർടി പതിപ്പിനായി മാരുതി പുതിയ കളർ സ്കീമൊന്നും നൽകിയിട്ടില്ല, അതിനാൽ നിലവിലുള്ള നിറഭേദങ്ങളിൽ തന്നെയായിരിക്കും സിയാസ് എസ് ലഭ്യമാവുക.
അകത്തളത്തിൽ സ്പോർടി ലുക്ക് കൈവരുത്തുവാൻ ഓള്‍-ബ്ലാക് തീമും, ലെതര്‍ അപ്‌ഹോള്‍സ്റ്ററിയും, ക്രോം ആക്‌സന്‍റും നൽകിയിട്ടുണ്ട്. കൂടാതെ പതിവ് ഫീച്ചറുകളായ ടച്ച്‌സ്‌ക്രീന്‍ ഇന്‍ഫോടെയ്ൻമെന്‍റ് സിസ്റ്റം, ആന്‍ഡ്രോയ്ഡ് ഓട്ടോ, ആപ്പിള്‍ കാര്‍പ്ലേ, ഓട്ടോമാറ്റിക് ക്ലൈമറ്റ് കണ്‍ട്രോള്‍, ക്രൂയിസ് കണ്‍ട്രോള്‍ തുടങ്ങിയ ഫീച്ചറുകളും സിയാസ് സ്പോർടി പതിപ്പിലുണ്ട്.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
