ഇഗ്നിസിന്‍റെ എഎംടി പതിപ്പുമായി മാരുതി

മാരുതി സുസൂക്കി ഇഗ്നിസിന്‍റെ എഎംടി പതിപ്പിനെ വിപണിയിലെത്തിച്ചു. ഇഗ്നിസിന്‍റെ ആൽഫ വേരിയന്‍റിലാണ് എഎംടി ഉൾപ്പെടുത്തിയിരിക്കുന്നത്. 7,01,143 ലക്ഷം രൂപയാണ് എഎംടി പെട്രോൾ പതിപ്പിന്‍റെ വില. 8,08,050 എക്‌സ്‌ഷോറൂം വിലയ്ക്കാണ് ഇഗ്നിസിന്‍റെ ഡീസല്‍ വകഭേദം നിലവിൽ ലഭ്യമായിട്ടുള്ളത്. ഓട്ടോ ഗിയര്‍ ഷിഫ്റ്റാണ് പുതിയ മാരുതി ഇഗ്നിസ് ആല്‍ഫ എഎംടിയുടെ ട്രാൻസ്മിഷൻ ചുമതല വഹിക്കുന്നത്. എൻജിൻ മുഖത്ത് വലിയ മാറ്റങ്ങളൊന്നും വരുത്തിയിട്ടില്ല.

82 ബിഎച്ച്പിയും 113 എൻഎം ടോർക്കുമാണ് 1.2 ലിറ്റര്‍ പെട്രോള്‍ എൻജിൻ ഉല്പാദിപ്പിക്കുന്നത്. അതേസമയം 1.3 ലിറ്റര്‍ ഡീസല്‍ എൻജിൻ സൃഷ്ടിക്കുന്നത് 74 ബിഎച്ച്പിയും 190 എൻഎം ടോർക്കുമാണ്.

ആപ്പിള്‍ കാര്‍പ്ലേ കണക്ടിവിറ്റിയുള്ള ഇന്‍ഫോടെയന്‍മെന്‍റ് സിസ്റ്റം, മൂന്ന് വ്യത്യസ്ത ഡ്യൂവല്‍ ടോണ്‍ എക്‌സ്റ്റീരിയര്‍ ഷെയ്ഡുകള്‍, പുതിയ ഇന്‍റീരിയര്‍ പാനലുകള്‍, എല്‍ഇഡി ഡിആർഎല്ലുകൾ എന്നിവയാണ് പുതിയ ഇഗ്നിസിലെ സവിശേഷതകൾ.

പെഡസ്ട്രിയന്‍ പ്രൊട്ടക്ഷന്‍ സിസ്റ്റം , ഫോഴ്‌സ് ലിമിറ്റേഴ്‌സിന് ഒപ്പമുള്ള സീറ്റ്‌ബെല്‍റ്റ് പ്രീ-ടെന്‍ഷനറുകള്‍, ഇലക്ട്രോണിക് ബ്രേക്ക്‌ഫോഴ്‌സ് ഡിസ്ട്രിബ്യൂഷന് ഒപ്പമുള്ള എബിഎസ്, ISOFIX ചൈല്‍ഡ് സീറ്റ് ആങ്കറുകള്‍, ഡ്യൂവല്‍ ഫ്രണ്ട് എയര്‍ബാഗുകള്‍ എന്നിങ്ങനെ നീളുന്നതാണ് ഇഗ്നിസിലെ സുരക്ഷാസജ്ജീകരണങ്ങൾ.

Maruti Suzuki Ignis Alpha AMT Launched In India

Maruti Suzuki Ignis Alpha AMT launched in India. The Maruti Suzuki Ignis Alpha AMT is priced at Rs 7,01,143 for the petrol and Rs 8,08,050 for the diesel.