ഇലക്ട്രിക് കാറുകളെ ഇന്ത്യയിൽ പരീക്ഷിക്കാനൊരുങ്ങി മാരുതി

ഇലക്ട്രിക് വാഹന ശ്രേണിയിലേക്ക് ചുവടുവയ്ക്കാൻ ഒരുങ്ങി മാരുതി. പരീക്ഷണാടിസ്ഥാനത്തിൽ 50 ഇലക്ട്രിക് കാറുകളെയാണ് തുടക്കത്തിൽ മാരുതി നിരത്തിലെത്തിക്കുന്നത്. ടൊയേട്ടയുമായി കൈകോർത്താണ് മാരുതി ഇലക്ട്രിക് കാറുകളെ വിപണിയിൽ അവതരിപ്പിക്കുന്നത്. ഇതിനകം തന്നെ ഇലക്ട്രിക് വാഹനങ്ങൾക്ക് വേണ്ടിയുള്ള ബാറ്ററിയുടെ നിർമാണം മാരുതി ആരംഭിച്ചുവെന്നാണ് റിപ്പോർട്ട്.

വാഗൺ ആറിന്‍റെ മാതൃകയിലാണ് മാരുതി ഇലക്ര്ടിക് കാറുകളെ അവതരിപ്പിക്കുന്നത്. 1.0 ലിറ്റർ കെ 10 മോട്ടോറായിരിക്കും ഇലക്ട്രിക് വാഹനങ്ങൾക്ക് കരുത്തേകുക. ഉടൻ തന്നെ സ്വിഫ്റ്റിന്‍റെ ഇലക്ട്രിക് പതിപ്പിനെ കൂടിയും മാരുതി വിപണിയിൽ അവതരിപ്പിക്കുന്നതായിരിക്കും.