നിലവിലുള്ള തങ്ങളുടെ ഒട്ടുമിക്ക വാഹനങ്ങളിലും കമ്പനി ഫിറ്റഡ് സിഎൻജി കിറ്റുകള് ഘടിപ്പിച്ചു നൽകാനുള്ള ഒരുക്കത്തിലാണ് രാജ്യത്തെ ഏറ്റവും വലിയ കാര് നിര്മാതാവായ മാരുതി സുസുക്കി. 2022ഓടെ തങ്ങളുടെ മൊത്തം വിൽപനയുടെ 12 ശതമാനം സിഎൻജി കാറുകളിലൂടെ നേടാനാണ് മാരുതി ലക്ഷ്യമിടുന്നത്. ഇതിന്റെ ഭാഗമായി നിലവിലുള്ള സ്വിഫ്റ്റ്, ഡിസയര്, ബലേനോ, ഇഗ്നിസ്, എര്ട്ടിഗ എന്നീ വാഹനങ്ങളുടെ സിഎൻജി പതിപ്പ് കൂടി പുറത്തിറക്കാനാണ് മാരുതി തയ്യാറെടുക്കുന്നത്. നഗരങ്ങളിലെ വായുമലിനീകരണം കുറയ്ക്കാനായി വാഹനങ്ങളുടെ മലിനീകരണം സംബന്ധിച്ച നിയന്ത്രണങ്ങള് കര്ശനമാക്കാൻ ഒരുങ്ങുകയാണ് കേന്ദ്രസര്ക്കാര്. എന്നാൽ പുതിയ ചട്ടങ്ങള്ക്കനുസരിച്ച് വാഹനങ്ങളുടെ എൻജിനുകള് പുതുക്കുന്നത് വാഹനവിലയിൽ വലിയ വര്ദ്ധനവുണ്ടാക്കുമെന്നാണ് കണക്കുകൂട്ടൽ. ചെറു ഡീസൽ എൻജിനുകള്ക്ക് പോലും ഇതോടെ രണ്ട് ലക്ഷം രൂപയോളം വില ഉയരുമെന്നാണ് വിവരം. ഇതോടെ ഡീസൽ എൻജിനുകളുടെ വിലവര്ദ്ധനവ് വഴി നഷ്ടപ്പെടുന്ന വിൽപ്പന സിഎൻജിയിലൂടെ നേടിയെടുക്കാനുള്ള ഒരുക്കത്തിലാണ് വാഹനനിര്മാതാക്കള്.
പുതിയ മലിനീകരണ ചട്ടം അനുസരിച്ച് വായുമലിനീകരണം കുറയ്ക്കാനായി രാജ്യത്ത് വിൽക്കപ്പെടുന്ന എല്ലാ വാഹനങ്ങളുടെയും ഇന്ധനക്ഷമത 2022നു മുൻപായി പത്ത് ശതമാനം വര്ദ്ധിപ്പിക്കാനും 2022ന് ശേഷം 30 ശതമാനം വര്ദ്ധിപ്പിക്കാനുമാണ് വാഹനനിര്മാതാക്കള്ക്ക് നല്കിയിരിക്കുന്ന നിര്ദേശം. ഈ നടപടികള് വേഗത്തിലാക്കാനായി സിഎൻജി ഡിസ്പെൻസിങ് യൂണിറ്റുകള്ക്കുള്ള ലൈസൻസ് നേടാൻ ഡീലര്ഷിപ്പുകള്ക്ക് മാരുതി നിര്ദേശം നല്കിയിട്ടുണ്ട്.
പെട്രോളിനും ഡീസലിനും ബദലായി സിഎൻജി ഒരു വാഹന ഇന്ധനമായി അവതരിപ്പിക്കുന്നതിന്റെ ഭാഗമായി രാജ്യമെമ്പാടും 10000ത്തോളം സിഎൻജി പമ്പുകള് തുറക്കാനുള്ള ശ്രമത്തിലാണ് കേന്ദ്രസര്ക്കാര്. പെട്രോളിനെയും ഡീസലിനെയും അപേക്ഷിച്ച് കൂടുതൽ നന്നായി കത്തുന്ന സിഎൻജി മറ്റു രണ്ട് ഇന്ധനങ്ങളെയും അപേക്ഷിച്ച് 25 ശതമാനം കുറവ് കാര്ബൺ ഡയോക്സൈഡ് മാത്രമേ പുറത്തു വിടുന്നുള്ളൂ എന്ന പ്രത്യേകതയുമുണ്ട്.
മാരുതിയ്ക്ക് പുറമെ പ്രമുഖ വാഹനനിര്മാതാക്കളായ ഹോണ്ട, ഹ്യൂണ്ടായ്, ഫോക്സ്വാഗൺ തുടങ്ങിയവയും ഡീസൽ എൻജിനുകളിൽ നിന്ന് ശ്രദ്ധ മാറ്റി കൂടുതൽ സിഎൻജി മോഡലുകള് പുറത്തിറക്കാനുള്ള ഒരുക്കത്തിലാണ്. ഇതിനു പുറമെ മാരുതി സുസുക്കിയുടെ മാതൃസ്ഥാപനമായ സുസുക്കി ടയോട്ടയുമായി ചേര്ന്ന് 2021ഓടെ രാജ്യത്ത് ഹൈബ്രിഡ് കാറുകള് വിൽക്കാനും പദ്ധതിയിടുന്നുണ്ട്.
പുതിയ മലിനീകരണ ചട്ടം അനുസരിച്ച് വായുമലിനീകരണം കുറയ്ക്കാനായി രാജ്യത്ത് വിൽക്കപ്പെടുന്ന എല്ലാ വാഹനങ്ങളുടെയും ഇന്ധനക്ഷമത 2022നു മുൻപായി പത്ത് ശതമാനം വര്ദ്ധിപ്പിക്കാനും 2022ന് ശേഷം 30 ശതമാനം വര്ദ്ധിപ്പിക്കാനുമാണ് വാഹനനിര്മാതാക്കള്ക്ക് നല്കിയിരിക്കുന്ന നിര്ദേശം. ഈ നടപടികള് വേഗത്തിലാക്കാനായി സിഎൻജി ഡിസ്പെൻസിങ് യൂണിറ്റുകള്ക്കുള്ള ലൈസൻസ് നേടാൻ ഡീലര്ഷിപ്പുകള്ക്ക് മാരുതി നിര്ദേശം നല്കിയിട്ടുണ്ട്.
പെട്രോളിനും ഡീസലിനും ബദലായി സിഎൻജി ഒരു വാഹന ഇന്ധനമായി അവതരിപ്പിക്കുന്നതിന്റെ ഭാഗമായി രാജ്യമെമ്പാടും 10000ത്തോളം സിഎൻജി പമ്പുകള് തുറക്കാനുള്ള ശ്രമത്തിലാണ് കേന്ദ്രസര്ക്കാര്. പെട്രോളിനെയും ഡീസലിനെയും അപേക്ഷിച്ച് കൂടുതൽ നന്നായി കത്തുന്ന സിഎൻജി മറ്റു രണ്ട് ഇന്ധനങ്ങളെയും അപേക്ഷിച്ച് 25 ശതമാനം കുറവ് കാര്ബൺ ഡയോക്സൈഡ് മാത്രമേ പുറത്തു വിടുന്നുള്ളൂ എന്ന പ്രത്യേകതയുമുണ്ട്.
മാരുതിയ്ക്ക് പുറമെ പ്രമുഖ വാഹനനിര്മാതാക്കളായ ഹോണ്ട, ഹ്യൂണ്ടായ്, ഫോക്സ്വാഗൺ തുടങ്ങിയവയും ഡീസൽ എൻജിനുകളിൽ നിന്ന് ശ്രദ്ധ മാറ്റി കൂടുതൽ സിഎൻജി മോഡലുകള് പുറത്തിറക്കാനുള്ള ഒരുക്കത്തിലാണ്. ഇതിനു പുറമെ മാരുതി സുസുക്കിയുടെ മാതൃസ്ഥാപനമായ സുസുക്കി ടയോട്ടയുമായി ചേര്ന്ന് 2021ഓടെ രാജ്യത്ത് ഹൈബ്രിഡ് കാറുകള് വിൽക്കാനും പദ്ധതിയിടുന്നുണ്ട്.