പുതിയ മൈക്രോ എസ്‍യുവിയുമായി മാരുതി എത്തുന്നു

ഇക്കഴിഞ്ഞ ഡൽഹി ഓട്ടോ എക്സ്പോയിൽ ജനശ്രദ്ധയേറെ ആകർഷിച്ചിരുന്ന ഒരു മോഡലായിരുന്നു മാരുതിയുടെ ഫ്യൂച്ചർ എസ് കൺസെപ്റ്റ്. മൈക്രോ എസ്‍യുവി നിരയിലേക്ക് ഫ്യൂച്ചർ എസ് കൺസെപ്റ്റിനെ അടിസ്ഥാനപ്പെടുത്തി പുതിയൊരു വാഹനത്തെ അവതരിപ്പിക്കാനുള്ള ഒരുക്കത്തിലാണ് മാരുതി. അടുത്ത വർഷം അവസാനത്തോടെ മാരുതിയുടെ ഈ മൈക്രോ എസ്‍യുവി നിരത്തിലെത്തുമെന്നാണ് റിപ്പോർട്ട്.

വിറ്റാര ബ്രെസയ്ക്ക് തൊട്ടു താഴെയായിട്ടായിരിക്കും മാരുതിയുടെ ഈ മൈക്രോ എസ്‍യുവി ഇടംതേടുക. മാരുതിയുടെ പതിവ് എസ്‍യുവി മോഡലുകളിൽ നിന്നും വേറിട്ടൊരു ഡിസൈൻ ശൈലിയിലായിരിക്കും മൈക്രോ എസ്‍യുവിയുടെ അവതരണം. 1.2 ലിറ്റർ പെട്രോൾ കരുത്തിലായിരിക്കും ഈ മൈക്രോ എസ്‍യുവി അവതരിക്കുക.

ഏറ്റവും ഭാരം കുറഞ്ഞ സുസൂക്കിയുടെ ഹാർട്ടെക്റ്റ് പ്ലാറ്റ്ഫോമിലായിരിക്കും ഈ വാഹനം ഒരുങ്ങുക. ഭാരക്കുറവുള്ളതിനാൽ മികച്ച മൈലേജും ഈ വാഹനം വാഗ്ദാനം ചെയ്തേക്കും. 5 ലക്ഷം പ്രൈസ് ടാഗിലായിരിക്കും ഈ വാഹനം നിരത്തിലെത്തുക. ചെറു എസ്‍യുവി നിരയിൽ മഹീന്ദ്രയുടെ കെയുവി 100 ആയിരിക്കും പ്രധാന എതിരാളിയായി ഉണ്ടാവുക.