കേരളത്തിന് 30 ലക്ഷം രൂപയും, കാറുകൾക്ക് അടിയന്തര സർവീസും വാഗ്ദാനം ചെയ്ത് ബെൻസ്

പ്രളയത്തിൽ അകപ്പെട്ട കേരളത്തിന് കൈത്താങ്ങായി മെഴ്സിഡസ് ബെൻസും രംഗത്ത്. മുഖ്യമന്ത്രിയുടെ ദുരിതാശ്വാസ നിധിയിലേക്ക് 30 ലക്ഷം രൂപ സംഭാവന ചെയ്യുമെന്ന് അറിയിച്ചിരിക്കുകയാണ് കമ്പനി. 25 ലക്ഷം രൂപ കമ്പനി നേരിട്ടും ബാക്കി 5 ലക്ഷം രൂപ കേരളത്തിലെ മെഴ്സിഡസ് ഡീലർമാരിൽ നിന്നും സമാഹരിച്ചായിരിക്കും നൽകുക. വെള്ളത്തിൽ അകപ്പെട്ട ബെൻസ് കാറുകളെ തൊട്ടടുത്തുള്ള ഡീലർഷിപ്പുകളിൽ എത്തിക്കാനുള്ള നടപടിയും കമ്പനി സ്വീകരിച്ചിട്ടുണ്ട്.

ധന സഹായത്തിനൊപ്പം പ്രളയത്തിൽ അകപ്പെട്ട കാറുകൾക്ക് അടിയന്തര സർവീസും കമ്പനി ഉറപ്പുവരുത്തിയിട്ടുണ്ട്. കേടുപാടുകൾ സംഭവച്ചിട്ടുള്ള കാറുകൾക്ക് ആവശ്യമായ സ്പെയർ പാർട്ടുകൾ വേഗത്തിൽ ലഭ്യമാക്കി കേടുപാടുകൾ തീർത്തു നൽകുമെന്നും കമ്പനി അറിയിച്ചു. പ്രത്യേക ടെക്നിക്കൽ ടീമിനെ ഇതിനുവേണ്ടി കമ്പനി നിയോഗിച്ചിട്ടുണ്ട്. സ്പെയർ പാർട്ടുകൾക്ക് പ്രത്യേക ഓഫറുകളും ഇതോടൊപ്പം ലഭ്യമാക്കും. ഇൻഷൂറൻസ് ക്ലെയിമിനുള്ള സൗകര്യങ്ങളും ഏർപ്പെടുത്തുന്നതായിരിക്കും.