പുതിയ ഹോണ്ട സിആർവി ഓക്ടോബർ 9 ന് അവതരിക്കും

സിആർവിയുടെ പുത്തൻ പതിപ്പുമായി ഹോണ്ട ഓക്ടോബർ 9 ന് ഇന്ത്യയിൽ അവതരിക്കും. പുതിയ ഡീസൽ എൻജിൻ സഹിതമാണ് സിആർവി അവതരിക്കുന്നത്. ഓഫ് റോഡ് ശേഷി മെച്ചപ്പെടുത്താൻ ഓൾ വീൽ ഡ്രൈവ് സംവിധാനവും പുതിയ സിആർവിയിൽ ഒരുക്കിയിട്ടുണ്ട്.

എല്‍ഇഡി ഹെഡ് ലാമ്പ്, എല്‍ഇഡി ടെയിൽ ലാമ്പ്, പുതിയ അലോയ് വീല്‍ എന്നിവയാണ് സി ആര്‍ വിയുടെ പ്രധാന എക്സ്റ്റീരിയർ സവിശേഷതകൾ. 7 ഇഞ്ച് ടച്ച്സ്ക്രീൻ, ആൻഡ്രോയിഡ്, ആപ്പിൾ കണക്ടിവിറ്റി, നാവിഗേഷൻ എന്നിവ അകത്തളത്തിൽ ഒരുക്കിയിട്ടുണ്ട്.

പുതിയ 1,597 സിസി ഡീസൽ എൻജിൻ കരുത്തിലാണ് പുതിയ സിആർവി നിരത്തിലെത്തുന്നത്. 120 ബിഎച്ച്പിയും 300 എൻഎം ടോർക്കുമാണ് ഈ എൻജിൻ ഉല്പാദിപ്പിക്കുന്നത്. 9 സ്പീഡ് ഓട്ടോമാറ്റിക് ട്രാൻസ്മിഷനും എൻജിന്‍റെ ഭാഗമായിട്ടുണ്ട്.

മുൻമോഡലുകളിലുള്ള 1,997 സിസി എസ്ഒഎച്ച്സി പെട്രോൾ എൻജിൻ കരുത്തിലും ഈ എസ്‍യുവി ലഭ്യമായിരിക്കുന്നതായിരിക്കും. 154ബിഎച്ച്പിയും 189എൻഎം ടോർക്കും നൽകുന്ന എൻജിനിൽ സിവിടി ആണ് ട്രാൻസ്മിഷൻ.