വിപണി പിടിക്കാനൊരുങ്ങി മഹീന്ദ്രയുടെ പുതിയ XUV 500

XUV 500 ന്‍റെ പുതുക്കിയ മോഡൽ ഉടൻ അവതരിക്കുമെന്ന് മഹീന്ദ്ര. ഏപ്രിൽ മാസത്തോടെ പുതിയ XUV 500 വിപണിയിലവതരിക്കുമെന്നാണ് മഹീന്ദ്ര സൂചിപ്പിക്കുന്നത്. പുതുക്കിയ ഹെഡ് ലാമ്പും ബംബറും ഗ്രില്ലുകളുമായി അല്പം മിനുക്കുപണികളോടെയാണ് മഹീന്ദ്ര പുതിയ XUV 500 ന്‍റെ വരവ്.

പുതിയ ടെയില്‍ ഗേറ്റ്, എല്‍ഇഡി ഡെയ്‌ടൈം റണ്ണിംഗ് ലൈറ്റ്, അലോയ് വീലുകൾ എന്നിവയാണ് മറ്റു പ്രധാനപ്പെട്ട ഡിസൈൻ സവിശേഷതകൾ. കൂടുതൽ പ്രീമിയമായിട്ടാണ് അകത്തളവും ഒരുക്കിയിരിക്കുന്നത്. പുതിയ ടച്ച് സ്ക്രീൻ സിസ്റ്റം, ലെതര്‍ സീറ്റിംഗ് എന്നീ പുതുമകളും പുതിയ XUV 500 ൽ ഉൾക്കൊള്ളിച്ചിട്ടുണ്ട്.

170 ബിഎച്ച്പി കരുത്തേകുന്ന 2.2 ലിറ്റർ ഡീസൽ എൻജിനാകും XUV 500 ന്‍റെ പവർ ഹൗസ്. ആറ് സ്പീഡ് ഗിയര്‍ ബോക്‌സും എൻജിനിൽ ഒരുങ്ങുന്നതായിരിക്കും.