സുസൂക്കി ജിക്‌സര്‍ എസ്എഫ് എബിഎസ് ഇന്ത്യയിൽ

ജാപ്പനീസ് ടു-വീലർ നിർമാതാക്കളായ സുസുക്കി എബിഎസ് ഉൾപ്പെടുത്തികൊണ്ടുള്ള ജിക്സർ എസ്എഫിനെ ഇന്ത്യയിലെത്തിച്ചു. കാർബുറേറ്റഡ്, ഫ്യുവൽഇൻഞ്ചെക്റ്റഡ് പതിപ്പുകളിലാണ് എബിഎസ് അവതരിപ്പിച്ചരിക്കുന്നത്. ഡൽഹി എക്സ്ഷോറൂം 1.08 ലക്ഷം, 1.13ലക്ഷം എന്നീ നിരക്കിലാണ് വില.

ജിക്സറിന്‍റെ സ്റ്റാൻഡേഡ് വേരിയന്‍റുകളിലേതിന് സമാനമായ കളർ സ്കീമും ഗ്രാഫിക്സുമാണ് എബിഎസ് മോഡലിലും നൽകിയിരിക്കുന്നത്. 14.8 പിഎസ് കരുത്തും 14 എൻഎം ടോർക്കുമുള്ള 155സിസി എയർകൂൾഡ് എൻജിനാണ് ജിക്സർ എസ്എഫ് എബിഎസിന് കരുത്തേകുന്നത്. 5 സ്പീഡ് ഗിയർബോക്സും എൻജിനിൽ ഇടംതേടിയിട്ടുണ്ട്.

ഫുള്ളി ഡിജിറ്റൽ ഇൻസ്ട്രുമെന്‍റ് ക്ലസ്റ്റർ, 41എംഎം ഫ്രണ്ട് ഫോർക്ക്, 7 സ്റ്റെപ് അഡ്ജസ്റ്റബിൾ റിയർ മോണോഷോക്ക് എന്നിവയാണ് പ്രധാന സവിശേഷതകൾ. ഏപ്രില്‍ മുതല്‍ 125 സിസി എൻജിൻ ശേഷിക്ക് മുകളിലുള്ള മോട്ടോര്‍സൈക്കിളുകളില്‍ എബിഎസ് നിർബന്ധമാക്കണമെന്നുള്ള നടപടിയെ തുടർന്നാണ് സുസൂക്കിയുടെ ഈ നീക്കം.

New Suzuki Gixxer SF ABS Launched

Suzuki Motorcycles India has launched the new Gixxer SF ABS and with deliveries already commencing as well.