പുത്തൻ തലമുറ മാരുതി സ്വിഫ്റ്റ് ഫെബ്രുവരിയിൽ

ജനപ്രിയ വാഹനം മാരുതി സ്വിഫ്റ്റ് ഫെബ്രുവരിയിൽ അവതരിക്കും. ഡൽഹിയിൽ നടക്കുന്ന ഓട്ടോ എക്സോപയിലായിരിക്കും പുത്തൻ തലമുറ സ്വിഫ്റ്റ് മറയ്ക്ക് പുറത്തെത്തുക. യൂറോപ്പ്, ജപ്പാൻ, ഓസ്ട്രേലിയ തുടങ്ങിയ വിപണികളിലാണ് പുതിയ സ്വിഫ്റ്റ് നിലവിൽ ലഭ്യമായിരിക്കുന്നത്. ഇന്ത്യയിലെ റോഡ് സാഹചര്യങ്ങൾക്ക് അനുസൃതമായി ചില മാറ്റങ്ങൾ വരുത്തിയാണ് പുതിയ തലമുറ സ്വിഫ്റ്റ് ഇന്ത്യയിലെത്തുന്നത്.

1.4 ലിറ്റർ ബൂസ്റ്റർ ജെറ്റ് പെട്രോൾ എൻജിനാണ് രാജ്യാന്തര സ്വിഫ്റ്റിന് കരുത്തേകുന്നതെങ്കിലും 1.2 ലിറ്റർ പെട്രോൾ എൻജിനും 1.3 ലിറ്റർ ഡീസൽ എൻജിനുമായിരിക്കും പുതിയ സ്വിഫ്റ്റിന് കരുത്തേകുക. 1.3 ലിറ്റർ എൻജിനു പകരം മാരുതി പുതുതായി വികസിപ്പിച്ച 1.5 ലിറ്റർ ഡീസൽ എൻജിൻ സ്വിഫ്റ്റിലൂടെ അരങ്ങേറ്റം കുറിക്കുമെന്ന് സൂചിപ്പിച്ചിരുന്നുവെങ്കിലും കമ്പനി ഇതേകുറിച്ചൊന്നും വ്യക്തമാക്കിയിട്ടില്ല.