റിനോ ക്യാപ്ചറും ഓട്ടോമാറ്റിക്കാവുന്നു

ക്യാപ്ചറിന്‍റെ ഓട്ടോമാറ്റിക് പതിപ്പുമായി റിനോ എത്തുന്നു. അടുത്ത വർഷം ആദ്യത്തോടെ ഓട്ടോമാറ്റിക് മോഡൽ വിപണിയിൽ എത്തുമെന്നാണ് റിനോ അറിയിച്ചിരിക്കുന്നത്. നിലവിൽ ഓട്ടോമാറ്റിക് വാഹനങ്ങൾക്കുള്ള ഡിമാന്‍റ് കണക്കിലെടുത്താണ് ക്യാപ്ചറും ഓട്ടോമാറ്റിക്കാവുന്നത്. പെട്രോൾ മോഡലിലായിരിക്കും സിവിടി ഗിയർബോക്സ് ഘടിപ്പിക്കുക. നിലവിൽ പെട്രോൾ, ഡീസൽ മോഡലുകളിലാണ് ക്യാപ്ചർ ലഭ്യമാകുന്നത്.

ഡ്യുവൽ ടോൺ നിറങ്ങളിലാണ് ക്യാപ്ചറിനെ അവതരിപ്പിച്ചിരിക്കുന്നത്. എൽഇഡി ഹെഡ് ലാമ്പ്, ഡിആർഎല്ലുകൾ, ക്രോമിയം ഗ്രിൽ, സ്കിഡ് പ്ലേറ്റ് എന്നിവയാണ് പ്രധാന എക്സ്റ്റീരിയർ ഫീച്ചറുകൾ. 1.5 ലിറ്റർ എൻജിനാണ് പെട്രോൾ, ഡീസൽ മോഡലുകളിൽ ലഭ്യമാക്കിയിരിക്കുന്നത്. 104 ബിഎച്ച്പിയും 142എൻഎം ടോർക്കുമാണ് പെട്രോൾ എൻജിൻ ഉല്പാദിപ്പിക്കുന്നത്. അതേസമയം 108 ബിഎച്ച്പിയും 240 എൻഎം ടോർക്കുമാണ് ഡീസൽ എൻജിനുള്ളത്. വിപണിയിൽ ഹ്യുണ്ടായ് ക്രെറ്റയാണ് ക്യാപ്ചറിനുള്ള പ്രധാന എതിരാളി.