സ്കോഡ ഓക്ടാവിയ ആർഎസ് വീണ്ടും ഇന്ത്യയിലേക്ക്

ഇന്ത്യയിൽ ഓക്ടാവിയ ആർഎസിന്‍റെ ബുക്കിങ് സ്കോഡ വീണ്ടും ആരംഭിച്ചു. കഴിഞ്ഞ വർഷം സെപ്തംബറിലാണ് സ്കോഡ ഓക്ടാവിയ ആർഎസ് ഇന്ത്യൻ വിപണിയിൽ എത്തിച്ചേർന്നത്. 26.78 ലക്ഷം രൂപ പ്രൈസ് ടാഗിലാണ് ഈ പെർഫോമൻസ് സെഡാൻ ഇന്ത്യയിൽ എത്തിയത്. ഇപ്പോഴിതാ സ്കോഡ ഈ പെർഫോമൻസ് സെഡാനെ ഇന്ത്യയിൽ വീണ്ടുമവതരിപ്പിക്കാനുള്ള ഒരുക്കത്തിലാണ്. ഇന്ത്യയിൽ ഉത്സവക്കാലത്തോട് അനുബന്ധിച്ചായിരിക്കും ഓക്ടാവിയ ആർഎസ് അവതരിക്കുക.

പുതുക്കിയ ക്രിസ്റ്റലീന്‍ ഹെഡ് ലാമ്പ്, AFS അഡാപ്റ്റീവ് ഫ്രണ്ട് ലൈറ്റ്, ഉയര്‍ന്ന ഗ്രൗണ്ട് ക്ലിയറന്‍സ്, 17 ഇഞ്ച് അലോയ് വീലുകള്‍ എന്നിവയാണ് പ്രധാന ഡിസൈൻ സവിശേഷതകൾ. ബ്ലൈന്‍ഡ് സ്പോട് ഡിറ്റക്ഷന്‍, ട്രെയിലര്‍ അസിസ്റ്റ്, ഡയനാമിക് ഷാസി കണ്‍ട്രോള്‍, പ്രെഡിക്ടീവ് പെഡസ്ട്രിയന്‍ പ്രൊട്ടക്ഷന്‍, അഡാപ്റ്റീവ് ക്രൂയിസ് കണ്‍ട്രോള്‍ എന്നിവയാണ് ഈ കാറിൽ ഒരുക്കിയിരിക്കുന്ന സുരക്ഷാ ഫീച്ചറുകൾ.

ഒക്ടാവിയ RS -ലുള്ള 2.0 ലിറ്റര്‍ നാലു സിലിണ്ടര്‍ ടര്‍ബ്ബോചാര്‍ജ്ഡ് പെട്രോള്‍ എഞ്ചിന് 230 bhp കരുത്തും 350 Nm torque ഉം പരമാവധി സൃഷ്ടിക്കാനാവും. ആറു സ്പീഡാണ് ഡിഎസ്ജി ഗിയര്‍ബോക്സ്. പൂജ്യത്തില്‍ നിന്നും നൂറു കിലോമീറ്റര്‍ വേഗത്തിലെത്താന്‍ ഒക്ടാവിയ RS -ന് 6.8 സെക്കന്‍ഡുകള്‍ മതി.