സുസൂക്കി 'ആക്സസ് 125 സ്പെഷ്യൽ എഡിഷൻ' ഇന്ത്യയിൽ

സുസൂക്കി 'ആക്സസ് 125 സ്പെഷ്യൽ എഡിഷൻ' സ്കൂട്ടറിനെ വിപണിയിലെത്തിച്ചു. 59,063 രൂപ എക്‌സ്‌ഷോറൂം വിലയിലാണ് ആക്സസ് 125 ന്‍റെ പ്രത്യേക പതിപ്പ് എത്തിച്ചേർന്നിരിക്കുന്നത്. മെറ്റാലിക് മാറ്റ് ബ്ലാക്, മെറ്റാലിക് ഫിബ്രിയോന്‍ ഗ്രെ എന്നീ രണ്ട് പുത്തൻ നിറങ്ങളിലായിരിക്കും സ്കൂട്ടർ ലഭ്യമാവുക. വിന്‍റെജ് മെറൂണ്‍ സീറ്റ് കവറും, സ്‌പെഷ്യല്‍ എഡിഷന്‍ ലോഗോയുമാണ് പതിവ് ആക്സസ് 125 ൽ നിന്നും ഈ സ്കൂട്ടറിനെ വ്യത്യസ്തനാക്കുന്നത്.



ഡിസ്‌ക് ബ്രേക്ക്, ട്യൂബ്‌ലെസ് ടയറുകള്‍ എന്നിവയ്ക്കൊപ്പം അലോയ് വീലുകളും നൽകിയിട്ടുണ്ട് മാറ്റ് ഫിനിഷില്‍ എത്തിച്ചിരിക്കുന്ന ഈ പ്രത്യേക പതിപ്പിൽ. എന്നാൽ മെക്കാനിക്കൽ സംബന്ധമായ മാറ്റങ്ങളൊന്നും ഈ സ്കൂട്ടറിൽ വരുത്തിയിട്ടില്ല. 8.5 ബിഎച്ച്പിയും 10.2 എൻഎം ടോർക്കും നൽകുന്ന 124 സിസി സിംഗിള്‍ സിലിണ്ടര്‍ എൻജിനാണ് ഈ സ്കൂട്ടറിന് കരുത്തേകുന്നത്. ക്രോം ഫിനിഷ് ഹെഡ്‌ലാമ്പ്, വണ്‍ പുഷ് ഷട്ടര്‍ ലോക്ക്, ഡ്യൂവല്‍ ലഗ്ഗേജ് ഹുക്ക്, മൊബൈല്‍ ചാര്‍ജ്ജിംഗ് പോയിന്‍റ് എന്നിവയാണ് ഈ സ്കൂട്ടറിലെ മറ്റ് ഫീച്ചറുകൾ.

Suzuki Access 125 Special Edition With Matte Colours Launched In India

Suzuki Access 125 Special Edition launched in India. The Suzuki Access 125 Special Edition is priced at Rs 59,063 ex-showroom.