എർടിഗ സ്പോർട് കൺസെപ്റ്റ് അവതരിച്ചു

ഇന്തോനേഷ്യ ഇന്‍റർനാഷണൽ ഓട്ടോ ഷോയിൽ എർടിഗയുടെ സ്പെഷ്യൽ പതിപ്പ് അവതരിച്ചു. എർടിഗ സ്പോർട് കൺസെപ്റ്റ് എന്ന പേരിലാണ് ഈ വാഹനമവതരിച്ചിരിക്കുന്നത്. സ്റ്റൈലിങ് ബോഡി കിറ്റ്, സ്പെഷ്യൽ പെയിന്‍റ് ജോബ്, സ്മോക്ക്ഡ് ഹെഡ് ലാമ്പ്, അലോയ് വീലുകൾ തുടങ്ങിയ എക്സ്റ്റീരിയർ ഫീച്ചറുകളുമായാണ് പുതിയ എർടിഗ എത്തുന്നത്.

നിലവിലെ എർടിഗയുമായി താരതമ്യം ചെയ്യുമ്പോൾ വലുപ്പ കൂടുതലുണ്ട് സ്പോർട് കൺസെപ്റ്റ് എസ്‍യുവിക്ക്. സ്വിഫ്റ്റ് സ്പോർടിൽ നിന്നും പ്രചോദനം കൊണ്ട ഡിസൈൻ ശൈലിയാണ് എർടിഗ സ്പോർടിൽ ഉൾക്കൊള്ളിച്ചിരിക്കുന്നത്. പുതുക്കിയ ബമ്പർ, നേർത്ത എൽഇഡി ഹെഡ് ലാമ്പ്, റെഡ് ലൈൻ വെച്ച് അലങ്കരിച്ച ഫ്രണ്ട് ഗ്രിൽ, പുതുക്കിയ ടെയിൽ ലാമ്പ്, 18 ഇഞ്ച് അലോയ് വീലുകൾ, സ്പോയിലർ എന്നിവയാണ് എടുത്തുപറയേണ്ടുന്ന സവിശേഷതകൾ.

കോസ്മെറ്റിക് അപ്ഡേഷനുകൾ മാത്രമെ ഈ സ്പോർടി എസ്‍യുവിയിൽ ലഭ്യമാക്കിയിട്ടുള്ളൂ. മെക്കാനിക്കൽ സംബന്ധിച്ച മാറ്റങ്ങളൊന്നും വരുത്തിയിട്ടില്ല. മൈൽഡ് ഹൈബ്രിഡ് സാങ്കേതികത ഉപയോഗിച്ചുള്ള 1.5 ലിറ്റർ K15b പെട്രോൾ എൻജിനാണ് പുതിയ എർടിഗയ്ക്ക് കരുത്തേകുന്നത്. ഇതെ എൻജിൻ തന്നെയാണ് പുതിയ എർടിഗയ്ക്കും സിയാസ് ഫേസ്‍ലിഫ്റ്റിനും കരുത്തേകുന്നത്.