ബജാജ് അവഞ്ചറിനെ വെല്ലാൻ സുസൂക്കി ഇൻട്രൂഡർ 150

ബജറ്റ് ക്രൂയിസർ എന്നാൽ ഇന്ത്യയിൽ ഇത്രയും കാലം ബജാജിന്‍റെ അവഞ്ചർ മാത്രമായിരുന്നു. ഈ രംഗത്തുള്ള ബജാജിന്‍റെ ആധ്യപത്യം തകർക്കാൻ ഇന്‍ട്രൂഡര്‍ 150 യുമായി കടന്നു വരികയാണ് സുസൂക്കി മോട്ടോർസൈക്കിൾ. ആകർഷണീയമായ ഡിസൈനിലാണ് ഇന്‍ട്രൂഡര്‍ 150 അവതരിക്കുന്നത്.




ട്രയാങ്കുലാര്‍ പ്രൊജക്ടര്‍ ഹെഡ്‌ലാമ്പുകള്‍, എല്‍ഇഡി ലൈറ്റ്, ഫ്രണ്ട് കൗൾ എന്നിവയാണ് ഫ്രണ്ട് എൻഡിലെ പ്രധാന സവിശേഷതകൾ. കൗളിനോട് ചേർന്നാണ് റിയർ വ്യൂ മിററും ടേൺ ഇൻഡിക്കേറ്ററും സ്ഥാനം പിടിച്ചിരിക്കുന്നത് എന്നാണ് ശ്രദ്ധേയമായ മറ്റൊരു സവിശേഷത. ഒരു പ്രീമിയം ഫീൽ നൽകുന്നതാണ് മസിലൻ രൂപഭംഗിയുള്ള ഫ്യുവൽ ടാങ്ക്.



ഹയാബൂസയെ അനുസ്മരിപ്പിക്കുന്ന ഡിസൈനാണ് പിൻവശത്ത് നൽകിയിരിക്കുന്നത്. സിംഗിള്‍ പീസ് ഗ്രാബ് റെയില്‍, എല്‍ഇഡി ടെയില്‍ ലാമ്പ്, ഫെന്‍ഡര്‍ എന്നിവയാണ് റിയർ എൻഡിലെ സവിശേഷതകൾ. ഡ്യൂവല്‍-പോര്‍ട്ട് ക്രോം എക്‌സ്‌ഹോസ്റ്റ്, ബക്കറ്റ്-സ്റ്റൈല്‍ റൈഡര്‍ സീറ്റ് എന്നിവ മറ്റു ശ്രദ്ധേയമായ സവിശേഷതകളാണ്.



154.9 സിസി എയര്‍-കൂള്‍ഡ് എൻജിനാണ് ഇന്‍ട്രൂഡര്‍ 150യ്ക്ക് കരുത്തേകുന്നത്. 14.6 ബിഎച്ച്പിയും 14 എൻഎം ടോർക്കും നൽകുന്ന എൻജിനിൽ 5 സ്പീഡ് ഗിയർബോക്സും ഇടംതേടിയിട്ടുണ്ട്. സിറ്റി റൈഡിങിന് അനുയോജ്യമാകുന്ന തരത്തിൽ മികവുറ്റ ടോർഖ് നൽകുന്നതാണ് ഈ എൻജിൻ.

Suzuki Intruder 150: Clear Images Reveals Design And Other Details

The entry-level cruiser motorcycle segment in India has not seen much products, the only player in this segment is the Bajaj Avenger 150.