ന്യൂഡൽഹി: പുതുതായി പുറത്തിറക്കുന്ന പ്രീമിയം ഹാച്ച്ബാക്കിന്റെ പേര് ആര്ട്രോസ് എന്നാണെന്ന് പ്രഖ്യാപിച്ച് ടാറ്റാ മോട്ടോഴ്സ്. 45X എന്ന പേരിൽ വാര്ത്തകളിൽ ഇടം പിടിച്ചിരുന്ന ആള്ട്രോസ് മാര്ച്ചിൽ നടക്കുന്ന ജെനീവ ഓട്ടോ ഷോയിൽ കമ്പനി അവതരിപ്പിക്കും. മാരുതി സുസുക്കി ബലേനോയ്ക്ക് പുറമെ ഹ്യൂണ്ടായ് ഐ20, ഹോണ്ട ജാസ് തുടങ്ങിയ വാഹനങ്ങളുമായി മത്സരിക്കാൻ പുറത്തിറക്കുന്ന വാഹനത്തിന് 5.45 ലക്ഷം മുതൽ 9.34 ലക്ഷം രൂപ വരെയായിരിക്കും എക്സ് ഷോറൂം വില. ജെനീവ ഓട്ടോ ഷോയിൽ പുതിയ ആള്ട്രോസ് അവതരിപ്പിക്കുമെന്നും2019 പകുതിയോടെ വാഹനം ഉപഭോക്താക്കളിലേയ്ക്ക് എത്തിക്കുമെന്നും ടാറ്റാ മോട്ടോഴ്സ് പാസഞ്ചര് വെഹിക്കിള് ബിസിനസ് യൂണിറ്റ് പ്രസിഡന്റ് മായങ്ക് പരീക്ക് അറിയിച്ചു. പുതിയ ഫ്യൂച്ചറിസ്റ്റിക് രൂപകൽപനയും മികച്ച സാങ്കേതികവിദ്യയും വാഹനത്തിന്റെ പ്രത്യേകതകളായിരിക്കുമെന്ന് ടാറ്റ അറിയിച്ചു. ഇതിനു പുറമെ ഈ വിഭാഗത്തിൽ ഏറ്റവും മികച്ച സാങ്കേതികവിദ്യയും മികച്ച പ്രകടനവും പുതിയ ടാറ്റാ ആള്ട്രോസ് പുറത്തിറക്കും.
കമ്പനി സ്വന്തമായി വികസിപ്പിച്ച ആൽഫ പ്ലാറ്റ്ഫോമിൽ തയ്യാറാക്കുന്ന വാഹനത്തിന് പ്രചോദനം ദീര്ഘദൂരം ആയാസരഹിതമായി താണ്ടാൻ ശേഷിയുള്ള ആൽബട്രോസ് കടൽപ്പക്ഷികളാണ്. ആള്ട്രോസ് എന്ന പേര് ലഭിച്ചതും ഇതിൽ നിന്ന് തന്നെ.
ആൽഫ ആര്ക്കിടെക്ചറിന്റെ പ്രത്യേകതകള് മൂലം കാലതാമസം കൂടാതെ മെച്ചപ്പെട്ട ധാരാളം പുതിയ വാഹനങ്ങള് ഇതേ പ്ലാറ്റ്ഫോമിൽ തയ്യാറാക്കാൻ കമ്പനിയ്ക്ക് സാധിക്കുമെന്ന് കമ്പനി അറിയിച്ചു.
കമ്പനി സ്വന്തമായി വികസിപ്പിച്ച ആൽഫ പ്ലാറ്റ്ഫോമിൽ തയ്യാറാക്കുന്ന വാഹനത്തിന് പ്രചോദനം ദീര്ഘദൂരം ആയാസരഹിതമായി താണ്ടാൻ ശേഷിയുള്ള ആൽബട്രോസ് കടൽപ്പക്ഷികളാണ്. ആള്ട്രോസ് എന്ന പേര് ലഭിച്ചതും ഇതിൽ നിന്ന് തന്നെ.
ആൽഫ ആര്ക്കിടെക്ചറിന്റെ പ്രത്യേകതകള് മൂലം കാലതാമസം കൂടാതെ മെച്ചപ്പെട്ട ധാരാളം പുതിയ വാഹനങ്ങള് ഇതേ പ്ലാറ്റ്ഫോമിൽ തയ്യാറാക്കാൻ കമ്പനിയ്ക്ക് സാധിക്കുമെന്ന് കമ്പനി അറിയിച്ചു.