നിരത്ത് കീഴടക്കാനൊരുങ്ങി ടാറ്റ H5X എസ്‌യുവി

H5X, 45X, ഇ വിഷന്‍ സെഡാന്‍ കോണ്‍സെപ്റ്റുകളെ ഇന്ത്യയിൽ അവതരിപ്പിക്കാൻ ഒരുങ്ങി ടാറ്റ. ഇതിനകം തന്നെ പല തവണകളായി ഇന്ത്യൻ നിരത്തിലുള്ള പരീക്ഷണയോട്ടവും നടത്തി കഴിഞ്ഞു. ജനശ്രദ്ധ പിടിച്ചു പറ്റുന്ന രീതിയിലാണ് ഈ കോൺസെപ്റ്റ് കാറുകളുടെ ഡിസൈൻ. ടാറ്റയുടെ പുതിയ ഇംപാക്ട് ഡിസൈൻ 2.0 ശൈലിയിലാണ് രൂപകല്പന.

H5X എസ്‌യുവി ആയിരിക്കും വിപണിയിൽ ആദ്യം എത്തുക. ഫിയറ്റില്‍ നിന്നുള്ള 2.0 ലിറ്റര്‍ മള്‍ട്ടിജെറ്റ് II ഡീസൽ എൻജിനായിരിക്കും H5X എസ്‌യുവിക്ക് കരുത്തേകുക. 140 ബിഎച്ച്പിക്ക് മേലെ കരുത്തുല്പാദിപ്പിക്കാൻ ഈ എസ്‌യുവിയ്ക്ക് കഴിയുമെന്നാണ് ടാറ്റ അവകാശപ്പെടുന്നത്. മാനുവൽ, ഓട്ടോമാറ്റിക് ഗിയർബോക്സുകൾ എൻജിനിൽ ഇടംതേടുന്നതായിരിക്കും. ഇവയ്ക്ക് പുറമെ H7X എന്ന 7സീറ്റര്‍ എസ്‌യുവിയെ കൂടി അവതരിപ്പിക്കാനുള്ള ഒരുക്കത്തിലാണ് ടാറ്റ.