ടിഗോർ, ടിയാഗോ ഇലക്ട്രിക് പതിപ്പുമായി ടാറ്റ

ടിഗോർ, ടിയാഗോ മോഡലുകളുടെ ഇലക്ട്രിക് പതിപ്പിനെ ടാറ്റ 2018 ഓട്ടോ എക്സ്പോയിൽ കാഴ്ചവെച്ചു. നീല ഡീക്കലുകളും ഗ്രില്ലിൽ നൽകിയ ഇവി ബാഡ്ജിങുമാണ് എടുത്തുപറയാവുന്ന ഡിസൈൻ മാറ്റങ്ങൾ. ഗിയർ സ്റ്റിക്കിന് പകരം നൽകിയ ചെറിയ കൈപ്പിടിയാണ് മറ്റൊരു പ്രധാന സവിശേഷത.



ഇലക്ട്രിക് ഡ്രൈവ് സംവിധാനത്തിലാണ് ടിയാഗോ ഇവി, ടിഗോർ ഇവി മോഡലുകൾ ഒരുങ്ങിയിരിക്കുന്നത്. 40 ബിഎച്ച്പി സൃഷ്ടിക്കുന്ന ത്രീ ഫേസ് എസി ഇൻഡക്ഷൻ മോട്ടറാണ് രണ്ട് ഇവികളിലും കരുത്തേകുന്നത്. ടാറ്റയുടെ സാനന്ത് നിർമ്മാണ ശാലയിൽ നിന്നായിരിക്കും ഈ രണ്ട് മോഡലുകളും പുറത്തിറങ്ങുക.

കേന്ദ്ര സർക്കാരിന്‍റെ നീക്കത്തെ തുടർന്ന് 350 ടിഗോർ ഇവികൾ നിർമ്മിക്കാനുള്ള കരാർ നേരത്തെ ടാറ്റ നൽകിയിരുന്നു. ഈ വർഷം രണ്ടാം പകുതിയോടെ തന്നെ ടിയാഗോ ഇവി, ടിഗോർ ഇവി മോഡലുകൾ നിരത്തിലെത്തിക്കാനുള്ള തയ്യാറെടുപ്പിലാണ് ടാറ്റ. പത്തു ലക്ഷം രൂപയ്ക്ക് മേലെയായിരിക്കും ഇലക്ട്രിക് മോഡലുകളുടെ വില.