എത്യോസ് പ്ലാറ്റിനം ലിമിറ്റഡ് എഡിഷനുമായി ടൊയോട്ട

എത്യോസ് പ്ലാറ്റിനം ലിമിറ്റഡ് എഡിഷനുമായി ടൊയോട്ട ഇന്ത്യയിൽ. പെട്രോൾ,ഡീസൽ വകഭേദങ്ങളിൽ എത്തിയിരിക്കുന്ന പ്ലാറ്റിനം എഡിഷന് യഥാക്രമം 7.84 ലക്ഷം, 8.94 ലക്ഷം രൂപ നിരക്കിലാണ് വില. കൂടുതൽ പ്രീമിയം ഫീച്ചറുകൾ ഉൾപ്പെടുത്തി VX വകഭേദത്തെ അടിസ്ഥാനപ്പെടുത്തിയാണ് ടൊയോട്ട ഈ ലിമിറ്റഡ് എഡിഷനെ ഒരുക്കിയിരിക്കുന്നത്.

പുതിയ ഫാന്‍റം ബ്രൗണ്‍ നിറം, ഡ്യൂവല്‍ ടോണ്‍ അപ്‌ഹോള്‍സ്റ്ററി, 6 ഇഞ്ച് ഇന്‍ഫോടെയ്ൻമെന്‍റ് സിസ്റ്റം എന്നിവയാണ് എത്യോസ് പ്ലാറ്റിനം ലിമിറ്റഡ് എഡിഷന്‍റെ പ്രധാന സവിശേഷതകൾ. നിലവിലുള്ള പേള്‍ വൈറ്റ് നിറത്തിലും പ്ലാറ്റിനം ലിമിറ്റഡ് എഡിഷനെ പുറത്തിറക്കിയിട്ടുണ്ട്.

1.5 ലിറ്റര്‍ പെട്രോള്‍, 1.4 ലിറ്റര്‍ ഡീസല്‍ എൻജിനുകളാണ് പ്ലാറ്റിനം എഡിഷന്‍റെ കരുത്ത്.
89 ബിഎച്ച്പിയും 132 എൻഎം ടോർക്കുമാണ് പെട്രോൾ എൻജിൻ ഉല്പാദിപ്പിക്കുന്നത്. 1.4 ലിറ്റര്‍ ഡീസല്‍ എൻജിൻ 67 ബിഎച്ച്പിയും 170 എൻഎം ടോർക്കും ഉല്പാദിപ്പിക്കുന്നു. അഞ്ചു സ്പീഡ് മാനുവല്‍ ഗിയര്‍ബോക്‌സാണ് ഇരു എൻജിനുകളിലും ഒരുക്കിയിരിക്കുന്നത്.