ടൊയോട്ട ഇന്നോവ ഹൈക്രോസ്
കരുത്തും അഴകും ഒരുമിക്കുന്ന ടൊയോട്ട ഇന്നോവ ഹൈക്രോസ് സൂപ്പർ വൈറ്റ്, പ്ലാറ്റിനം വൈറ്റ് പേൾ, സിൽവർ മെറ്റാലിക്, ആറ്റിറ്റിയൂഡ് ബ്ലാക്ക് മൈക്ക, സ്പാർക്ലിംഗ് ബ്ലാക്ക് പേൾ ക്രിസ്റ്റൽ ഷൈൻ, അവന്റ് ഗ്രേഡ് ബ്രോൺസ് മെറ്റാലിക്, ബ്ലാക്ഷിഷ് അഗേഹ ഗ്ലാസ് ഫ്‌ളേക്ക് എന്നിങ്ങനെ നിരവധി എക്സ്റ്റീരിയർ കളർ ഓപ്ഷനുകളിൽ ലഭിക്കും. ചെസ്റ്റ്നട്ട്, ബ്ലാക്ക് ഡാർക്ക് ചെസ്റ്റ്നട്ട് എന്നീ നിറങ്ങളാണ് വാഹനത്തിന്റെ ഇന്റീരിയറിൽ ഉള്ളത്. ആകർഷകമായ നിറങ്ങളാണ് ഇവയെല്ലാം.
Read More: കുഞ്ഞനെ പുതുക്കി മാരുതി; Maruti Suzuki Ignis പുതിയ പതിപ്പിന് വിലയും കൂടി
വില വർധനവ്
ഇന്നോവ ഹൈക്രോസിന്റെ എല്ലാ പെട്രോൾ വേരിയന്റുകൾക്കും ഇപ്പോൾ 25,000 രൂപ വർധിപ്പിച്ചിട്ടുണ്ട്. കൂടുതൽ കരുത്തുള്ള ഹൈബ്രിഡ് വേരിയന്റുകൾക്ക് ഇപ്പോൾ 75,000 രൂപയോളം വില വർധിപ്പിച്ചിട്ടുണ്ട്. ടൊയോട്ട ഇന്നോവ ഹൈക്രോസ് പെട്രോൾ മോഡലുകൾക്ക് 1.3 ശതമാനം മുതൽ 1.37 ശതമാനം വരെയാണ് വില വർധിപ്പിച്ചിരിക്കുന്നത്. ഹൈക്രോസ് ഹൈബ്രിഡ് മോഡലുകൾക്ക് 2.59 ശതമാനം മുതൽ 3.12 ശതമാനം വരെ വില വർധിപ്പിച്ചിട്ടുണ്ട്.
പുതിയ വില
ഇപ്പോൾ ടൊയോട്ട ഇന്നോവ ഹൈക്രോസിന് G പെട്രോൾ വേരിയന്റിന് 18.55 ലക്ഷം രൂപയും GX പെട്രോളിന് 18.4 ലക്ഷം രൂപയുമാണ് എക്സ് ഷോറൂം വില. ഹൈബ്രിഡ് VXന് ഇപ്പോൾ 24.76 ലക്ഷം രൂപ വിലയുണ്ട്. പുതിയ VX (O) വേരിയന്റിന് 26.73 ലക്ഷം രൂപയുമാണ് വില. ZX ഇന്നോവ ഹൈക്രോസിന് 29.08 ലക്ഷം രൂപ മുതലാണ് വില ആരംഭിക്കുന്നത്. ZX (O) വേരിയന്റിന് 29.72 ലക്ഷം രൂപ മുതലാണ് വില. ഇതെല്ലാം എക്സ് ഷോറൂം വിലകളാണ്.
Read More: ഉടമസ്ഥന്റെ കീശ കാലിയാക്കാത്ത, മൈലേജിൽ മുൻപന്തിയിലുള്ള എസ്‌യുവികൾ
പുതിയ VX (O) വേരിയന്റ്
ടൊയോട്ട ഇന്നോവ ഹൈക്രോസിന്റെ പുതിയ വേരിയന്റ് 7,8 സീറ്റർ കോൺഫിഗറേഷനിൽ ലഭ്യമാകും. VX വേരിയന്റിലുള്ള ഫീച്ചറുകൾക്ക് പുറമെ, മൂഡ് ലൈറ്റിങ്, എൽഇഡി ഫോഗ് ലാമ്പുകൾ, 10 ഇഞ്ച് ഇൻഫോടെയ്ൻമെന്റ് ഡിസ്പ്ലെ, വയർലെസ് ആപ്പിൾ കാർപ്ലേ, 6 എയർബാഗുകൾ എന്നിവയും പനോരമിക് സൺറൂഫും പുതിയ VX (O) വേരിയന്റിൽ ടൊയോട്ട നൽകിയിട്ടുണ്ട്.
പുതിയ വേരിയന്റിലെ സീറ്റുകൾ
പുതിയ ഹൈക്രോസിന്റെ VX (O) വേരിയന്റിലുള്ള 7 സീറ്റർ മോഡലിൽ 2 ക്യാപ്റ്റൻ സീറ്റുകളും മധ്യഭാഗത്തായി ഒട്ടോമൻ ഫംഗ്ഷനും നൽകിയിട്ടുണ്ട്. എല്ലാ യാത്രക്കാർക്കും ത്രീ പോയിന്റ് സീറ്റ് ബെൽറ്റുകളും 2, 3 വരികളിൽ ബെഞ്ച് സീറ്റുകളുമായിട്ടാണ് 8 സീറ്റർ കോൺഫിഗറേഷൻ വരുന്നത്. ഹൈബ്രിഡ് ബാറ്ററിയിൽ 8 വർഷം/1,60,000 കി.മീ വാറന്റിയും ഈ വേരിയന്റിന് ടൊയോട്ട നൽകുന്നുണ്ട്.
Read More: ടാറ്റ ഹാരിയർ, സഫാരിഎസ്‍യുവികൾക്ക് വീണ്ടും വില കൂട്ടി, 26 വേരിയന്റുകൾ നിർത്തലാക്കി
ഇന്നോവ ഹൈക്രോസിന്റെ സവിശേഷതകൾ
ടൊയോട്ട ഇന്നോവ ഹൈക്രോസ് ആകർഷകമായ സവിശേഷതകളുള്ള വാഹനമാണ്. ഇലക്ട്രോണിക് ഇബിഡിയുള്ള എബിഎസ് ഉൾപ്പെടെ നിരവധി നൂതന സുരക്ഷാ ഫീച്ചറുകൾ ഈ വാഹനത്തിലുണ്ട്. ഓട്ടോ ഹോൾഡുള്ള ഇലക്ട്രോണിക് പാർക്കിംഗ് ബ്രേക്ക് (ഇപിബി), പനോരമിക് വ്യൂ മോണിറ്റർ, ഡ്രൈവർ അസിസ്റ്റ് ടെക്നോളജി എന്നിവയെല്ലാം ഹൈക്രോസിലുള്ള മികച്ച സുരക്ഷാ ഫീച്ചറുകളാണ്.